വർക്കലയിൽ കടലിൽ ചാടിയ പെൺകുട്ടി മരിച്ചു ; കൂടെയുണ്ടായിരുന്ന സുഹൃത്തിനായി തെരച്ചിൽ തുടരുകയാണ്

തിരുവനന്തപുരം : വർക്കലയിൽ കടലിൽ ചാടിയ പ്ലസ് വൺ വിദ്യാർത്ഥിനി മുങ്ങി മരിച്ചു. വർക്കല വെൺകുളം സ്വദേശിനിയായ ശ്രേയയാണ് (14) മരിച്ചത്. കൂടെ ഉണ്ടായിരുന്ന മറ്റൊരു കുട്ടിക്കായി തെരച്ചിൽ തുടരുകയാണ്.

ഇന്ന് ഉച്ചയ്ക്ക് 12.30 തോടെ വെറ്റക്കട ബീച്ചിലാണ് ദാരുണ സംഭവമുണ്ടായത്. ആത്മഹത്യയാണെന്നാണ് പ്രാഥമിക നിഗമനം.

രണ്ട് കുട്ടികൾ കടലിലേക്ക് ഇറങ്ങി പോവുകയായിരുന്നു എന്ന് നാട്ടുകാർ പറയുന്നു. രക്ഷിക്കാൻ ശ്രമിച്ചെങ്കിലും സാധിച്ചില്ല. പിന്നാലെ ഏറെ നേരത്തെ തിരച്ചിലിനിടെ ഒരു കുട്ടിയുടെ മൃതദേഹം കരയ്ക്ക് അടിഞ്ഞു.

പെൺകുട്ടി വീട്ടിൽ നിന്നും പിണങ്ങി ഇറങ്ങിയതാണെന്ന് പൊലീസ് പറയുന്നു.