ഏറ്റുമാനൂര്: വ്യാഴാഴ്ച രാത്രി ചെരിഞ്ഞ ഗജവീരന് ഉഷശ്രീ ദുര്ഗാപ്രസാദിന് ഏറ്റുമാനൂര് വിടചൊല്ലി. വനം വകുപ്പിന്റെയും മൃഗസംരക്ഷണ വകുപ്പിന്റെയും നടപടികള് പൂര്ത്തിയാക്കിയ ശേഷം പുന്നത്തുറയിലെ പുരയിടത്തില് സംസ്കാരം നടത്തി.
ഉടമ ഏറ്റുമാനൂര് ശ്രീയില് പി.എസ്. രവീന്ദ്രനാഥന്റെ മകന് ഹേമന്തിന്റെ കാര്മികത്വത്തിലാണ് സംസ്കാരകര്മം നടത്തിയത്. ഏറ്റുമാനൂര് മഹാദേവ ക്ഷേത്രം അടക്കം വിവിധ ക്ഷേത്രങ്ങളില് ഉത്സവങ്ങള്ക്കു തിടമ്പേറ്റിയിരുന്ന ഉഷശ്രീ ദുര്ഗാപ്രസാദ് എരണ്ടകെട്ടിനെത്തുടര്ന്ന് ചികിത്സയിലിരിക്കെയാണ് ചെരിഞ്ഞത്.
55 വയസുണ്ടായിരുന്നു. സമൂഹത്തിന്റെ നാനാഭാഗങ്ങളില് നിന്നുള്ളവര് ഗജവീരന് അന്തിമോപചാരമര്പ്പിക്കാന് ഏറ്റുമാനൂരില് ഉഷശ്രീയില് എത്തിയിരുന്നു. വീട്ടിലെ കര്മങ്ങള്ക്കുശേഷം വാഹനത്തില് പുന്നത്തുറയില് എത്തിച്ചാണ് സംസ്കാരം നടത്തിയത്.
Whatsapp Group 1 | Whatsapp Group 2 |Telegram Group