ഏറ്റുമാനൂരിൽ ട്രെയിനിടിച്ചു മരിച്ച അമ്മയുടെയും രണ്ടു പെൺമക്കളുടെയും സംസ്കാരം ഇന്ന്; വീട്ടിലെ ശുശ്രൂഷകൾക്കു ശേഷം ഉച്ചകഴിഞ്ഞ് മൂന്നിന് ചുങ്കം പള്ളിയിൽ സംസ്കാരം

തൊടുപുഴ: ഏറ്റുമാനൂരിൽ ട്രെയിനിടിച്ചു മരിച്ച അമ്മയുടെയും രണ്ടു പെൺമക്കളുടെയും സംസ്കാരം ഇന്ന് തൊടുപുഴ ചുങ്കം സെന്റ് മേരീസ് ക്നാനായ കത്തോലിക്കാ ഫൊറോന പള്ളിയിൽ നടക്കും.

Link

Embed

Copy and paste this HTML code into your webpage to embed.

ചുങ്കം ചേരിയിൽ വലിയപറമ്പിൽ നോബിയുടെ ഭാര്യ ഷൈനി കുര്യാക്കോസ് (43), മക്കളായ അലീന (11), ഇവാന (10) എന്നിവരുടെ മൃതദേഹങ്ങൾ ഇന്നു രാവിലെ ഷൈനിയുടെ വീടായ കാരിത്താസ് വടകര വീട്ടിൽ കൊണ്ടുവരും.

തുടർന്ന് ഉച്ചയ്ക്ക് 12 ന് കോലാനി ചുങ്കം ചേരിയിൽ വലിയപറമ്പിൽ വീട്ടിൽ എത്തിക്കും. വീട്ടിലെ ശുശ്രൂഷകൾക്കു ശേഷം ഉച്ചകഴിഞ്ഞ് മൂന്നിന് ചുങ്കം പള്ളിയിൽ സംസ്കരിക്കും.

വെള്ളിയാഴ്ച പുലർച്ചെയാണ് ഏറ്റുമാനൂർ മനയ്ക്കപ്പാടം അതിരമ്പുഴ റെയിൽവേ ഗേറ്റിനു സമീപം ഷൈനിയും മക്കളും ട്രെയിനിടിച്ച് മരിച്ചത്.