അനുമതിയില്ലാതെ പണിത കെട്ടിടം പൊളിച്ചു നീക്കിയതിൽ വൈരാ​ഗ്യം; ചി​ന്ന​ക്ക​നാ​ല്‍ പ​ഞ്ചാ​യ​ത്ത് ഓ​ഫി​സ് ആ​ക്ര​മി​ച്ചു; പഞ്ചായത്ത് സെക്രട്ടറിക്കടക്കം അഞ്ച് പേർക്ക് ​ഗുരുതര പരിക്ക്; സംഭവത്തിൽ നാലു പേര്‍ അറസ്റ്റില്‍

സ്വന്തം ലേഖകൻ

ഇടുക്കി: അ​നു​മ​തി​യി​ല്ലാ​തെ പ​ണി​ത കെ​ട്ടി​ടം പൊ​ളി​ച്ച​തിന് പിന്നാലെ നാലം​ഗ സംഘം ചി​ന്ന​ക്ക​നാ​ല്‍ പ​ഞ്ചാ​യ​ത്ത് ഓ​ഫി​സ് ആ​ക്ര​മി​ച്ചു. സംഭവത്തില്‍ നാലു പേരെ പൊലീസ് അറസ്റ്റ് ചെയ്തു. കരാറുകാരന്‍ രാജന്‍, ആന്‍റണി, മുത്തുകുമാര്‍, വിജയ് എന്നിവരാണ് അറസ്റ്റിലായത്.

തി​ങ്ക​ളാ​ഴ്ച രാ​ത്രി 7.30നാ​ണ് അ​നു​മ​തി​യി​ല്ലാ​തെ പ​ണി​ത കെ​ട്ടി​ടം പൊ​ളി​ച്ച​തി​ല്‍ പ്ര​കോ​പി​ത​രാ​യ സംഘം ചി​ന്ന​ക്ക​നാ​ല്‍ പ​ഞ്ചാ​യ​ത്ത് ഓ​ഫി​സ് ആ​ക്രമിക്കുകയായിരുന്നു. പ​ഞ്ചാ​യ​ത്ത് സെ​ക്ര​ട്ട​റി ടി. ​ര​ഞ്ജ, അ​ക്കൗ​ണ്ട​ന്‍റ് ശ്രീ​കു​മാ​ര്‍, ജീ​വ​ന​ക്കാ​രാ​യ രാ​മ​ന്‍, മ​നു, സു​മേ​ഷ് എ​ന്നി​വ​ര്‍​ക്ക് ആക്രമണത്തില്‍ പ​രി​ക്കേ​റ്റിരുന്നു.

ശ്രീ​കു​മാ​റിന്‍റെ കൈ​കാ​ലു​ക​ള്‍​ക്കും രാ​മ​ന്‍റെ കൈ​ക്കും ഒ​ടി​വു​ണ്ട്. അം​ഗ​പ​രി​മി​ത​നാ​യ ര​ഞ്ജ​നെ സം​ഘം നി​ല​ത്ത് ത​ള്ളി​യി​ട്ട് ക്രൂ​ര​മാ​യി മ​ര്‍​ദി​ച്ചു. പരിക്കേറ്റവര്‍ അ​ടി​മാ​ലി താ​ലൂ​ക്ക് ആ​ശു​പ​ത്രി​യി​ല്‍ ചികിത്സയിലാണ്.

പ​ഞ്ചാ​യ​ത്ത് ഓ​ഫി​സ് സാമഗ്രികള്‍ അക്രമികള്‍ അടിച്ചു തകര്‍ക്കുകയും ചെയ്തിട്ടുണ്ട്. ചി​ന്ന​ക്ക​നാ​ല്‍ വി​ല്ലേ​ജ് ഓ​ഫി​സി​ന്​ സ​മീ​പം ജോ​യി ജോ​ര്‍​ജ് എ​ന്ന​യാ​ളു​ടെ അ​ന​ധി​കൃ​ത നി​ര്‍​മാ​ണം തി​ങ്ക​ളാ​ഴ്ച പൊ​ളി​ച്ചി​രു​ന്നു.