മലയാളികളുടെ പ്രിയ ഭക്ഷണമാണ് മസാലദോശ. എന്നാൽ ഒരു മസാല ദോശ കഴിക്കണമെങ്കിൽ രാവിലെ എണീറ്റ് ഹോട്ടലിൽ പോകണം. എന്നാൽ രുചിയൂറും മസാലദോശ വീട്ടിൽ തന്നെ ഉണ്ടാക്കിയെടുത്താലോ?
ആവശ്യമായ സാധനങ്ങൾ:-
അരി (ആവശ്യാനുസരണം)
Whatsapp Group 1 | Whatsapp Group 2 |Telegram Group
ഉഴുന്ന് (അരിയുടെ പകുതി)
ഉലുവ ( 2 സ്പൂൺ)
ഉള്ളി – 1.5 കപ്പ്
ഇഞ്ചി – 3 ടേബിള്‍സ്പൂണ്‍
പച്ചമുളക് – 3
കറിവേപ്പില – ആവശ്യത്തിന്
തക്കാളി – 1 കപ്പ്
മഞ്ഞള്‍പ്പൊടി – 1/4 ടീസ്പൂണ്‍
തയ്യാറാക്കുന്ന വിധം:-
മസാലദോശ ഉണ്ടാകുന്നതിനു തലേദിവസം അരിയും ഉഴുന്നും കുറച്ച്‌ ഉലുവയും കഴുകി വെള്ളത്തില്‍ 4 മണിക്കൂര്‍ കുതിര്‍ക്കുക. എല്ലാം ദോശമാവിന്റെ പരുവത്തില്‍ അരച്ചെടുത്ത് പുളിക്കാന്‍ വയ്ക്കുക.
മറ്റൊരു പാത്രത്തില്‍ കാരറ്റ് വേവിക്കുക. വേവ് പകുതിയാകുമ്പോൾ ഉരുളക്കിഴങ്ങു ചേര്‍ത്ത് വേവിക്കുക. വേവിച്ചത് ഉടച്ചെടുത്തു മാറ്റിവയ്ക്കുക.
വേറൊരു പാനില്‍ എണ്ണയൊഴിച്ചു കടുക് പൊട്ടിക്കുക. അതില്‍ ഉള്ളിയും ഇഞ്ചിയും പച്ചമുളകും കറിവേപ്പിലയും ചേര്‍ത്ത് വഴറ്റി തക്കാളി ചേര്‍ത്ത് ഇളക്കുക. തക്കാളി വെന്തു കഴിഞ്ഞ് ഉരുളക്കിഴങ്ങു മിക്സ് ചേര്‍ത്ത് യോജിപ്പിച്ചെടുക്കുക.
ദോശക്കല്ല് ചൂടാക്കി വെള്ളമുള്ളതുണികൊണ്ടു തുടച്ചു ദോശമാവൊഴിച്ചു വട്ടത്തില്‍ പരത്തി എണ്ണ ബ്രഷ് ഉപയോഗിച്ച്‌ തൂത്തു മീഡിയം ചൂടില്‍ ദോശയുടെ അടി മൊരിഞ്ഞുകഴിഞ്ഞു ഉരുളക്കിഴങ്ങു മസാല വച്ച്‌ ചുരുട്ടിയെടുക്കുക. രുചിയൂറും മസാലദോശ റെഡി. വേണമെങ്കിൽ ഇതിലേക്ക് എക്സ്ട്രാ സാമ്പാർ, ചട്‌ണി, ചമ്മന്തി ഒക്കെ ഉണ്ടാക്കി ഒപ്പം കഴിക്കാം.
