തൃശൂർ : കൊടുങ്ങല്ലൂരില് കുഴിമന്തി കഴിച്ച് ഭക്ഷ്യവിഷബാധയേറ്റ സംഭവത്തില് ആശുപത്രിയില് പ്രവേശിപ്പിച്ചവരുടെ എണ്ണം 85 ആയി.
സാരമായി വിഷബാധയേറ്റ ഒരു യുവതി കൊടുങ്ങല്ലൂര് മോഡേണ് ആശുപത്രിയില് ഐ.സി.യുവിലാണ്. പെരിഞ്ഞനം വടക്കേ ഭാഗത്ത് പ്രവര്ത്തിക്കുന്ന ഹോട്ടലില് നിന്നും കുഴിമന്തിയടക്കമുള്ള ഭക്ഷണങ്ങള് കഴിച്ചവര്ക്കാണ് വിഷബാധയേറ്റത്. സംഭവത്തെ തുടര്ന്ന് ആരോഗ്യവകുപ്പും പഞ്ചായത്ത് അധികൃതരും ഫുഡ് ആന്ഡ് സേഫ്റ്റി വിഭാഗവും ഹോട്ടലില് പരിശോധന നടത്തി ഹോട്ടല് അടപ്പിച്ചു. മൂന്നുപീടിക ടെമ്ബോ സ്റ്റാന്ഡിനടുത്തുള്ള സെയിന് ഹോട്ടലാണ് അടപ്പിച്ചത്. ഇവിടെ നിന്നും സാംപിളുകള് ശേഖരിച്ച് പരിശോധനയ്ക്ക് കൊണ്ടുപോയെന്നും ആരോഗ്യവകുപ്പ് ഉദ്യോഗസ്ഥര് അറിയിച്ചു.
