കോട്ടയം: ദുരിതാശ്വാസ സഹായം കൃത്യമായ കൈകളിലേയ്ക്ക് എത്താൻ എന്റെ അക്കൗണ്ടിലേയ്ക്ക് പണം സംഭാവന ചെയ്യാൻ നിർദേശിച്ച് പ്രചരിച്ച വാട്‌സ്അപ്പ് സന്ദേശത്തിന്റെ ഉപജ്ഞാതാവിന് പിന്നാലെ പൊലീസ്. ജില്ലയിലെ വിവിധ വാട്‌സ്അപ്പ് ഗ്രൂപ്പുകളിലാണ് രണ്ടു ദിവസമായി സന്ദേശം പ്രചരിച്ചിരുന്നത്. ഒരാളുടെ ഫോൺ നമ്പർ സന്ദേശത്തിൽ എഴുതിച്ചേർത്ത ശേഷമാണ് യുവാവ് പ്രചരിപ്പിച്ചിരുന്നത്.
കോട്ടയം ഓൺലൈൻ റെസ്‌ക്യു എന്ന ഗ്രൂപ്പാണ് ഇതു സംബന്ധിച്ചുള്ള സന്ദേശം ആദ്യം പ്രത്യക്ഷപ്പെട്ടത്. തുടർന്ന് വിവിധ സന്നദ്ധ സംഘടനകളുടെ അടക്കം ഗ്രൂപ്പുകളിൽ ഇത് പ്രത്യക്ഷപ്പെടുകയായിരുന്നു. 8848427817 എന്ന നമ്പർ ആദ്യം സേവ് ചെയ്യുക, തുടർന്ന് ഗൂഗിൾ പേ എടുത്ത ശേഷം അക്കൗണ്ടിലേയ്ക്കു പണം ട്രാൻസ്ഫർ ചെയ്യുക. ഇത്തരത്തിൽ പണം ട്രാൻസ്ഫർ ചെയ്തത് ഉറപ്പാക്കാൻ 8592943919 എന്ന മൊബൈൽ ഫോൺ നമ്പരിൽ വാട്‌സ്അപ്പ് സന്ദേശം അയക്കണമെന്നും നിർദേശിക്കുന്നു.
വാർത്ത വിവിധ ഗ്രൂപ്പുകളിൽ പ്രചരിച്ചതോടെയാണ് ചിലർ സംഭവം തേർഡ് ഐ ന്യൂസ് ലൈവിന്റെ ശ്രദ്ധയിൽ കൊണ്ടു വന്നത്. തുടർന്ന് തേർഡ ഐ ന്യൂസ് സംഘം സന്ദേശത്തിന്റെ സ്‌ക്രീൻ ഷോട്ട് സഹിതം ജില്ലാ പൊലീസ് മേധാവിയ്ക്കും സൈബർ സെല്ലിനും പരാതി അയക്കുകയായിരുന്നു. ഈ പരാതിയുടെ അടിസ്ഥാനത്തിൽ സൈബർ സെൽ അന്വേഷണവും ആരംഭിച്ചിട്ടുണ്ട്.

നിങ്ങൾ ചെയ്യേണ്ടത്

*1) ആദ്യം 8848427817 എന്ന നമ്പർ സേവ് ചെയ്യുക*

*2) നിങ്ങളുടെ Google Pay അഥവാ Tez ആപ്പ് ഓപ്പൺ ചെയ്യുക 👍*

*3) ഈ amount transfer ൽ ഈ സേവ് ചെയ്ത നമ്പർ ഓപ്പൺ ചെയ്യുക*

*4) നിങ്ങൾ ഉദ്ദേശിക്കുന്ന അമൗണ്ട് ടൈപ്പ് ചെയ്ത് ട്രാൻസ്ഫർ ചെയ്യുക*

*5) അഥവാ നിങ്ങളുടെ അമൗണ്ട് transfer ആയില്ല എങ്കിൽ 8592943919 എന്ന നമ്പറിൽ whatsapp ചെയ്യുക*

*6) നിങ്ങൾ എത്ര അമൗണ്ട് transfer ചെയ്തു എന്നെനിക്ക് മെസ്സേജ് ചെയ്യുക*
(പിന്നീട് ഒരു പഴി കേൾക്കാതെ ഇരിക്കാൻ വേണ്ടി ആണ്,ഉറപ്പായും ചെയ്യുക)

*ചെയ്യാൻ കഴിയാത്തവർ ഈ മെസ്സേജ് share ചെയ്യുക,അയക്കുന്ന തുക എനിക്ക് മെസ്സേജ് ചെയ്യുക*

Nb; നിങ്ങളുടെ തുക ചോരാതെ…കള്ളത്തരം ഒന്നും ഇല്ലാതെ അവിടെ എത്തിയിരിക്കും 🙏🏼

Online Friends Flood Relief Campaign💖