കേരളീയരുടെ ഭക്ഷണസംസ്കാരത്തിൽ അരിക്ക് ഒരു പ്രത്യേക സ്ഥാനമുണ്ട്. ‘ഒരു ദിവസം അരിയാഹാരം കഴിച്ചില്ലെങ്കിൽ ഭക്ഷണം കഴിച്ചതായി തോന്നില്ല’ എന്നതാണ് പലർക്കും ഉള്ള മനോഭാവം.
എന്നാൽ, ആരോഗ്യബോധം ഉയർന്നുവരുന്ന ഇന്നത്തെ കാലത്ത് ചിലർ ആരോഗ്യം സംരക്ഷിക്കാനെന്ന പേരിൽ അരിയാഹാരം ഒഴിവാക്കുന്നത് ശീലമാക്കുന്നു. എന്നാൽ അരി പൂർണമായി ഒഴിവാക്കുന്നതിന് മുമ്പ്, അതിന്റെ ഗുണദോഷങ്ങൾ മനസ്സിലാക്കുന്നത് ശരിയായ ഭക്ഷണശീലം രൂപപ്പെടുത്തുന്നതിന് അത്യാവശ്യമാണ്.
അരി ഒഴിവാക്കുമ്പോൾ ലഭിക്കുന്ന ഗുണങ്ങള്‍
1. അരിയുടെ ഗ്ലൈസെമിക് ഇൻഡക്സ് (GI) കൂടുതലാണ്. അതിനാല്‍ രക്തത്തിലെ പഞ്ചസാര പെട്ടെന്ന് ഉയരും. അരി ഒഴിവാക്കുകയോ, കുറയ്ക്കുകയോ ചെയ്താല്‍ ഷുഗർ നിയന്ത്രണത്തിലാക്കാൻ സഹായിക്കും.
Whatsapp Group 1 | Whatsapp Group 2 |Telegram Group
2. അരിയിലുളള കാർബോഹൈഡ്രേറ്റ് കൂടുതലായതിനാല്‍ അധിക കലോറി ലഭിക്കുന്നു. അത് ഒഴിവാക്കുന്നത്, പ്രത്യേകിച്ച് വെള്ളരി, ശരീരഭാരം കുറയ്ക്കാൻ സഹായിക്കുന്നു.
3. അരിക്ക് പകരം ഗോതമ്ബ്, ചീര, പയർവർഗ്ഗങ്ങള്‍, ചക്കപ്പൊടി പോലുള്ള ഭക്ഷണം ഉള്‍പ്പെടുത്തുമ്ബോള്‍, ശരീരത്തിന് ആവശ്യമായ ഫൈബർ ലഭിക്കുകയും ദഹനം മെച്ചപ്പെടുകയും ചെയ്യും.
4. അരി കഴിച്ചാല്‍ വേഗത്തില്‍ ഊർജ്ജം കിട്ടും, എന്നാല്‍ അതുപോലെ വേഗത്തില്‍ ക്ഷീണം വരികയും ചെയ്യും. അരി ഒഴിവാക്കി പ്രോട്ടീൻ, ഫൈബർ ഉള്ള ഭക്ഷണം കഴിക്കുമ്ബോള്‍ ദിവസം മുഴുവൻ സ്ഥിരമായ ഊർജ്ജം ലഭിക്കും.
അരി ഒഴിവാക്കുമ്ബോള്‍ ഉണ്ടാകാവുന്ന പ്രശ്നങ്ങള്‍
1. അരിയില്‍ വിറ്റാമിൻ B ഗ്രൂപ്പ്, ഇരുമ്ബ്, മഗ്നീഷ്യം തുടങ്ങി ചില പോഷകങ്ങള്‍ അടങ്ങിയിട്ടുണ്ട്. പൂർണ്ണമായും അരി ഒഴിവാക്കുകയാണെങ്കില്‍ ഇവ കുറയാം.
2. അരി കഴിക്കാത്തവർക്ക് പലപ്പോഴും വേഗത്തില്‍ വിശക്കാൻ ഇടയാകും. അതുവഴി അവർ അധികമായി മറ്റു ഭക്ഷണങ്ങള്‍ കഴിച്ച് കലോറി വർദ്ധിപ്പിക്കാനിടയുണ്ട്.
3. അരിക്ക് പകരം എന്താണ് കഴിക്കുന്നത് എന്ന് പ്രധാനമാണ്. ശരിയായ പകരം കണ്ടെത്താനില്ലെങ്കില്‍ ശരീരത്തില്‍ പോഷക അസന്തുലിതാവസ്ഥ വരാം.
4. കേരളീയരുടെ പല ഭക്ഷണങ്ങളും (ഉപ്പേരി, കറി, തോരൻ) അരിയോടൊപ്പം കഴിക്കുന്നതിനായി രൂപകല്‍പ്പന ചെയ്തതാണ്. അരി ഒഴിവാക്കുമ്ബോള്‍ ഭക്ഷണക്രമം മാറ്റി ക്രമീകരിക്കേണ്ടി വരും.
അരി പൂർണമായും ഒഴിവാക്കുന്നതിനുപകരം അതിന്റെ അളവ് നിയന്ത്രിക്കുന്നത് കൂടുതൽ ആരോഗ്യകരമായ സമീപനമാണ്. പയർവർഗങ്ങൾ, പച്ചക്കറികൾ, ഗോതമ്പ്, ചക്കപ്പൊടി തുടങ്ങിയവയെ ഉൾപ്പെടുത്തി സമതുലിതമായ ഭക്ഷണക്രമം പാലിക്കാം. അരിയാഹാരം കുറയ്ക്കുന്നത് ചിലർക്ക് ഗുണകരമായേക്കാമെങ്കിലും, അതിന്റെ ഫലങ്ങൾ വ്യക്തിയുടെ ആരോഗ്യസ്ഥിതി, ജീവിതരീതി, ആഹാരക്രമം തുടങ്ങിയ ഘടകങ്ങളെ ആശ്രയിച്ചിരിക്കുന്നു.
