തായ്‌ലൻഡില്‍ നിന്ന് ഡല്‍ഹിയിലേക്ക്‌ പുറപ്പെട്ട എയര്‍ ഇന്ത്യ വിമാനത്തില്‍ ബോംബ് ഭീഷണി; എമര്‍ജൻസി ലാൻഡിംഗ്; പരിശോധന ആരംഭിച്ചു

ഡല്‍ഹി: എയർ ഇന്ത്യ വിമാനത്തില്‍ ബോംബ് ഭീഷണി.

തായ്‌ലൻഡിലെ ഫുക്കറ്റില്‍ നിന്ന് ഡല്‍ഹിയിലേക്ക് പുറപ്പെട്ട എയർ ഇന്ത്യ വിമാനത്തിലാണ് ബോംബ് ഭീഷണിയുണ്ടായത്.
പിന്നാലെ വിമാനം അടിയന്തര ലാൻഡിംഗ് നടത്തി.

AI 379 എന്ന വിമാനത്തിനാണ് ബോംബ് ഭീഷണിയുണ്ടായത്. വെള്ളിയാഴ്ച രാവിലെ 9:30 ന് ഫുക്കറ്റ് വിമാനത്താവളത്തില്‍ നിന്ന് ഡല്‍ഹിയിലേക്ക് പറന്നുയർന്നതായിരുന്നു. ആകാശത്ത് പല തവണ വട്ടമിട്ട് പറന്നശേഷമാണ് അടിയന്തര ലാൻഡിംഗ് നടത്തിയത്.

വിമാനത്തില്‍ 156 യാത്രക്കാരുണ്ടായിരുന്നു. വിമാനത്തില്‍ വിശദമായ പരിശോധന നടത്തിവരികയാണ്. സംഭവത്തില്‍ എയർ ഇന്ത്യ പ്രതികരിച്ചിട്ടില്ല. സംഭവത്തിന്റെ കൂടുതല്‍ വിവരങ്ങള്‍ പുറത്തുവന്നിട്ടില്ല.