പാമ്പാടി വെളളൂരിൽ വീട് കത്തി നശിച്ചു; വീട്ടമ്മ അത്ഭുതകരമായി രക്ഷപെട്ടു

സ്വന്തം ലേഖകൻ
പാമ്പാടി : റബർ ഷീറ്റിന്റെ പുകപ്പുരയിൽ നിന്ന് തീ പടർന്നു. പാമ്പാടി വെളളൂരിൽ വീട് കത്തി നശിച്ചു. വീട്ടമ്മ അത്ഭുതകരമായി രക്ഷപെട്ടു

വെള്ളൂർ പൂവമ്പഴയ്ക്കൽ ഷാജിയുടെ ഉടമസ്ഥതയിലുള്ള വാടക വീടിനാണ് തീ പിടിച്ചത്.

അപകടത്തിൽ വീട് പൂർണ്ണമായും കത്തി നശിച്ചു.

സംഭവം നടക്കുമ്പോൾ താമസക്കാരി സൂസമ്മ ഉറക്കത്തിലായിരുന്നു. ശബ്ദം കേട്ട് വീട്ടമ്മ പുറത്തേയ്ക്ക് ഓടി രക്ഷപെട്ടു.

പുകപ്പുരയിൽ ടാപ്പിംഗ് തൊഴിലാളി റബർ ഷീറ്റ് ഉണക്കാൻ പുകയിട്ടിരുന്നു. ഇത് പടർന്നതാണ് അപകടത്തിന് കാരണം.

നാട്ടുകാരുടെ നേതൃത്വത്തിൽ രക്ഷാപ്രവർത്തനം നടത്തി എങ്കിലും തീ അണക്കുവാൻ കഴിഞ്ഞില്ല . ഇതോടെ പാമ്പാടി ഫയർ സ്റ്റേഷനിൽ വിവരമറിയിക്കുകയായിരുന്നു. ലക്ഷങ്ങളുടെ നഷ്ടം കണക്കാക്കുന്നു.