ഗുരുതരാവസ്ഥയിൽ രോഗിയുമായി പോയ ആംബുലൻസിന് വഴി നൽകിയില്ല; കാറുടമയ്ക്ക് രണ്ടര ലക്ഷം രൂപ പിഴയും ഡ്രൈവറുടെ ലൈസൻസും റദ്ദാക്കി മോട്ടോർ വാഹന വകുപ്പ് ; എട്ടിന്റെ പണി കൊടുത്തത് കാറുടമയുടെ വീട്ടിലെത്തി ; സോഷ്യൽ മീഡിയയിൽ വൈറലായ വീഡിയോ കേന്ദ്രീകരിച്ച് നടത്തിയ അന്വേഷണത്തിലാണ് കാറിൻ്റെ നമ്പറും ഉടമയെയും കണ്ടെത്തിയത്

സ്വന്തം ലേഖകൻ

തിരുവനന്തപുരം: രോഗിയുമായി പോയ ആംബുലൻസിന് വഴി നൽകാതെ വട്ടം കറക്കിയ കാറുടമക്ക് വീട്ടിലെത്തി എട്ടിന്റെ പണി കൊടുത്ത് മോട്ടോർ വാഹന വകുപ്പ്. രണ്ടരലക്ഷം രൂപ പിഴ ഈടാക്കുക മാത്രമല്ല, ഡ്രൈവിങ് ലൈസൻസ് റദ്ദാക്കുകയും ചെയ്തിട്ടുണ്ട്.

ഗുരുതരാവസ്ഥയിൽ രോഗിയെ ആശുപത്രിയിലേക്ക് കൊണ്ടുപോകുന്നതിനിടെ ഡ്രൈവർ പലതവണ ഹോൺ മുഴക്കിയിട്ടും കാർ ഡ്രൈവർ വഴി നല്കാൻ തയ്യാറായില്ല. തിരുവനന്തപുരത്താണ് സംഭവം.

ആംബുലൻസ് ഡ്രൈവർ കാറുടമയുടെ മോശം പെരുമാറ്റം മൊബൈൽ ഫോണിൽ പകർത്തിയതോടെയാണ് വിഷയത്തിൽ മോട്ടോർ വാഹനവകുപ്പ് ഇടപെട്ടതും, ശക്തമായ നടപടി എടുത്തതും. ഈ വീഡിയോ സോഷ്യൽ മീഡിയയിൽ വൈറലാകുകയാണ്. വീഡിയോ കേന്ദ്രീകരിച്ച് നടത്തിയ അന്വേഷണത്തിലാണ് കാറിൻ്റെ നമ്പറും അതിൻ്റെ ഉടമയെയും കണ്ടെത്തിയത്.

പിന്നാലെ ഇയാളുടെ വീട്ടിലെത്തി രണ്ടര ലക്ഷം രൂപ പിഴ ചുമത്തുകയും കാർ ഡ്രൈവറുടെ ലൈസൻസ് റദ്ദാക്കുകയും ചെയ്തു.