റോഡരികിൽ മാലിന്യം വലിച്ചെറിഞ്ഞു; ഇരുമ്പുഴി സ്വദേശിക്ക് 5000 രൂപ പിഴ

മലപ്പുറം : അലക്ഷ്യമായി റോഡരികിൽ മാലിന്യം വലിച്ചെറിഞ്ഞ ഇരുമ്പുഴി സ്വദേശിയിൽനിന്ന് നഗരസഭ ഹെൽത്ത് എൻഫോഴ്സ്സ്മെൻറ് സ്ക്വാഡ് 5000 രൂപ പിഴയീടാക്കി.

കഴിഞ്ഞദിവസം ആരോഗ്യ വിഭാഗം നടത്തിയ പരിശോധനയിലാണ് നെല്ലിപ്പറമ്പിൽനിന്ന് മുകുതാമണ്ണ് ശിവക്ഷേത്രത്തിലേക്ക് പോകുന്ന റോഡരികിൽ മാലിന്യം തള്ളിയതായി കണ്ടെത്തിയത്.

റോഡിൽ ഉപേക്ഷിച്ച മാലിന്യങ്ങളിൽനിന്ന് കിട്ടിയ തെളിവുകളുടെ അടിസ്ഥാനത്തിലാണ് മാലിന്യം വലിച്ചെറിഞ്ഞയാളെ കണ്ടെത്തിയത്.