വ്യോമാഭ്യാസത്തിന്റെ ഭാഗമായി ആഗ്രയിലേക്ക് പോകുന്നതിനിടെ യുദ്ധവിമാനം തകർന്നുവീണു ; പൈലറ്റ് രക്ഷപ്പെട്ടു

ആഗ്ര : ഉത്തർപ്രദേശിലെ ആഗ്രയ്ക്ക് സമീപം യുദ്ധവിമാനം തകർന്നുവീണു. മിഗ്-29 എന്ന യുദ്ധവിമാനമാണ് തകർന്നത്.

പഞ്ചാബിലെ ആദംപൂരിൽ നിന്ന് പറന്നുയർന്ന വിമാനം വ്യോമാഭ്യാസത്തിന്റെ ഭാഗമായി ആഗ്രയിലേക്ക് പോകുന്നതിനിടെയാണ് അപകടമുണ്ടായതെന്ന് ഉദ്യോഗസ്ഥർ പറഞ്ഞു.

അപകടത്തിൽ വിമാനത്തിലുണ്ടായിരുന്ന പൈലറ്റ് രക്ഷപെട്ടു. സംഭവത്തിൽ വ്യോമസേന അന്വേഷണം പ്രഖ്യാപിച്ചു.