മധ്യവയസ്കന്‍ കടയില്‍ കയറി പണം ചോദിച്ചു; തര്‍ക്കമെത്തിയത് കൂട്ടത്തല്ലിൽ; മൂന്ന് പേര്‍ക്ക് പരിക്ക്

സ്വന്തം ലേഖിക

കൊച്ചി: ആലുവയില്‍ കടയില്‍ കയറി മധ്യവയസ്കന്‍ പണം ആവശ്യപ്പെട്ടതിനെ തുടര്‍ന്ന് സംഘർഷം.

സംഘര്‍ഷത്തില്‍ കടയുടമയടക്കം മൂന്ന് പേര്‍ക്ക് പരിക്കേറ്റു.

പ്രദേശത്ത് അലഞ്ഞുതിരിഞ്ഞു നടക്കുന്നയാളാണ് കടയില്‍ കയറി പണം ആവശ്യപ്പെട്ടത്.

തുടര്‍ന്നുണ്ടായ വഴക്കിനൊടുവില്‍ കടയുടമ മധ്യവയസ്കനെ മര്‍ദ്ദിക്കുകയായിരുന്നു.

ഇത് കണ്ടെത്തിയ നാട്ടുകാരും കടയുടമയുമായുണ്ടായ വാക്കേറ്റമാണ് സംഘര്‍ഷത്തിലെത്തിയത്.

ഇവരെ ആലുവ ജില്ലാ ആശുപത്രിയില്‍ പ്രവേശിപ്പിച്ചു.