കോട്ടയം കുമാരനല്ലൂരിൽ വീട്ടിൽ കയറി ഗൃഹനാഥയ്ക്കും സഹോദരനും നേരെ ആക്രമണം ; പ്രതിയെ അറസ്റ്റ് ചെയ്ത് ഗാന്ധിനഗർ പോലീസ്

കോട്ടയം : വീട്ടിൽ കയറി ഗൃഹനാഥയെയും സഹോദരനെയും മർദ്ദിച്ച സംഭവത്തിൽ പ്രതി അറസ്റ്റിൽ.

പെരുമ്പായിക്കാട് മാമ്മൂട് വട്ടമുകൾ വീട്ടിൽ ഫെബിൻ(18)ആണ് അറസ്റ്റിലായത്.

ഇയാൾ പെരുമ്പായിക്കാട് കുമാരനല്ലൂർ മങ്ങാട്ട് കടവ് ഭാഗത്ത് പാളയെപ്പള്ളിയിലുള്ള വീട്ടിൽ കയറി ആക്രമണം അഴിച്ചു വിടുകയായിരുന്നു.

ആക്രമണത്തിൽ ഗൃഹനാഥയ്ക്കും, സഹോദരനും പരിക്കേറ്റു. തുടർന്ന് ഇവർ നൽകിയ പരാതിയിൽ ഗാന്ധിനഗർ പോലീസ് കേസ് രജിസ്റ്റർ ചെയ്ത് പ്രതിയെ അറസ്റ്റ് ചെയ്യുകയായിരുന്നു.

കോട്ടയം ജുഡീഷ്യൽ ഒന്നാം ക്ലാസ് മജിസ്‌ട്രേറ്റ്
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.