കോട്ടയം : സ്വര്‍ണവില സര്‍വകാല റെക്കോഡില്‍. അറിയാം കോട്ടയം അരുൺസ് മരിയ ഗോൾഡിലെ സ്വർണ്ണവില. പവന് 63000 കടന്നു. ഒരു പവന് 63240 രൂപയാണ് ഇന്നത്തെ വില. ഗ്രാമിന് 7905 രൂപ.
പവന് 760 രൂപയും ഗ്രാമിന് 95 രൂപയുമാണ് ഇന്ന് കൂടിയത്.
പ്രസിഡന്‍റ് ട്രംപിന്‍റെ വ്യാപാരയുദ്ധവും തുടർന്നുള്ള സംഭവവികാസങ്ങളുമാണ് സ്വർണവില കുതിപ്പിനുള്ള കാരണം. ട്രംപിന്‍റെ വ്യാപാര നയങ്ങള്‍ ഭൗമ രാഷ്ട്ര സംഘർഷങ്ങള്‍ക്കിടയാക്കി. കാനഡയില്‍ നിന്നും മെക്സിക്കോയില്‍ നിന്നും അമേരിക്കയിലേക്ക് വരുന്ന സാധനങ്ങള്‍ക്ക് 25 % അധിക നികുതി പ്രാബല്യത്തില്‍ വന്നെങ്കിലും മെക്സിക്കോയുടെ ഇറക്കുമതി തീരുവ ഒരു മാസത്തേക്ക് മരവിപ്പിച്ചിട്ടുണ്ട്. ചൈനയുടെ പ്രഖ്യാപനങ്ങള്‍ക്ക് ലോകം കാതോർക്കുന്നുണ്ട്. ഡോളർ ഇൻഡക്സ് 109.80 വരെ ഉയർന്നു. ഡോളർ കരുത്തായതോടെ എല്ലാ കറൻസികളും ഡോളറിനെതിരെ ദുർബലമായിട്ടുണ്ട്.
Whatsapp Group 1 | Whatsapp Group 2 |Telegram Group
ഇന്ത്യൻ രൂപയുടെ വിനിമയ നിരക്ക് കൂടുതല്‍ ദുർബലമായി 87.02 ലേക്ക് എത്തിയത് ആഭ്യന്തരമാർക്കറ്റില്‍ സ്വർണവിലയെ സ്വാധീനിച്ചു. ഡോളർ കൂടുതല്‍ കരുത്തായി ഇൻഡക്സ് 110 കടന്നു മുന്നോട്ട് നീങ്ങിയാല്‍ രൂപ കൂടുതല്‍ ദുർബലമായി 89ലേക്ക് എത്തും എന്നുള്ള സൂചനകള്‍ വരുന്നുണ്ട്. ഡോളർ കരുത്താർജിക്കുമ്ബോള്‍ അന്താരാഷ്ട്ര സ്വർണ വിലയില്‍ തിരുത്തല്‍ വരേണ്ടതാണെങ്കിലും ട്രേഡ് വാർ ടെൻഷൻ അടക്കം ട്രoപിൻ്റെ മറ്റ് നടപടികളിലുള്ള ആശങ്ക സ്വർണ വിലയെ 2830 ഡോളറിലേക്ക് ഉയർത്തി.
വരും ദിവസങ്ങളിലും സ്വർണവിലയില്‍ ചാഞ്ചാട്ടം പ്രതീക്ഷിക്കാം. 2836 ഡോളറിനു മുകളില്‍ 2860-70 ഡോളർ വരെ പ്രതീഷിക്കാം. 2800 ഡോളറില്‍ താഴെ 2770 -2760 വരെ തിരുത്തല്‍ വരാം സാങ്കേതികമായി. വൻ വിലവർധനവ് ഏഷ്യൻ മാർക്കറ്റില്‍ സ്വര്‍ണത്തിന്‍റെ ഡിമാൻഡ് കുറച്ചു.
