സ്വത്ത് തർക്കം ; പിതാവിന്‍റെ മൂക്ക് അടിച്ച് പൊട്ടിച്ചു ; ഒളിവിൽ പോയ മകനെ അതിസാഹസികമായി പിടികൂടി പോലീസ്

ചാരുംമൂട്:സ്വത്ത് തർക്കത്തെ തുടർന്ന് പിതാവിനെ ക്രൂരമായി മർദ്ദിച്ച മകൻ അറസ്റ്റിൽ. നൂറനാട് സ്വദേശി രാമകൃഷ്ണപിള്ള (80) യെയാണ് മകൻ അജീഷ് (43) ആക്രമിച്ചത്.

അതിസാഹസികമായാണ് പ്രതിയെ നൂറനാട് പൊലീസ് പിടികൂടിയത്. സ്വത്തിനെ ചൊല്ലിയുള്ള തർക്കത്തിനിടെ വിറക് കഷ്ണം കൊണ്ട് ഇയാള്‍ പിതാവിനെ അടിച്ച് നിലത്തിട്ടു. ശേഷം അതിക്രൂരമായി ചവിട്ടുകയും ചെയ്തു. അതിക്രമത്തിന് പിന്നാലെ പ്രതി ഒളിവിൽ പോയി.

നാട്ടുകാരുടെ സഹായത്തോടെയാണ് പരിക്കേറ്റ രാമകൃഷ്ണപിള്ളയെ ആശുപത്രിയില്‍ എത്തിച്ചത്. മൂക്കിന് പൊട്ടലുണ്ടായിരുന്ന രാമകൃഷ്ണനെ തീവ്ര പരിചരണ വിഭാഗത്തിൽ പ്രവേശിപ്പിച്ചു. തുടര്‍ന്ന് കേസ് രജിസ്റ്റർ ചെയ്ത് പോലീസ് പടനിലം ഭാഗത്ത് വെച്ച് സാഹസികമായി പ്രതിയെ പിടികൂടുകയായിരുന്നു. മാവേലിക്കര കോടതിയിൽ ഹാജരാക്കിയ പ്രതിയെ റിമാന്‍റ് ചെയ്തിരിക്കുകയാണ്.