അത് അർജുന്റെ മൃതദേഹമല്ല; പ്രചരിക്കുന്നത് വ്യാജ വാർത്ത, സോഷ്യൽമീഡിയയിൽ പ്രചരിക്കുന്ന മൃതദേഹത്തിന്റെ ചിത്രം മാടങ്കരി ​ഗ്രാമത്തിലെ സ്ത്രീയുടേത്

കോഴിക്കോട്: ഷിരൂര്‍ മണ്ണിടിച്ചിലിൽ കാണാതായ അർജുനെ ഇതുവരെ കണ്ടെത്താനായിട്ടില്ല.

അർജുന്റെ മൃതദേഹം ലഭിച്ചു എന്ന് സോഷ്യൽ മീഡിയയിൽ പ്രചരിക്കുന്നുണ്ട്. എന്നാൽ, ഇത് വ്യാജ വാർത്തയാണെന്ന് അധികൃതർ വ്യക്തമാക്കി.

അർജുന്റെ മൃതദേഹം എന്ന തരത്തിൽ ഷിരൂരിൽ നിന്ന് ലഭിച്ച മൃതദേഹത്തിന്റെ ചിത്രം മറുഭാഗത്തെ മാടങ്കരി എന്ന ഗ്രാമത്തിലുള്ള സെന്നി​ഗൗഡ എന്ന സ്ത്രീയുടേതാണ്. ഷിരൂരിൽ നിന്ന് അ‍‍ർജുന്റെ ബന്ധു ജിതിൻ വീട്ടിലേക്ക് തിരിച്ചെത്തി.

ഇന്ന് വൈകുന്നേരം വീണ്ടും ഷിരൂരിലേക്ക് പോകും. ഷിരൂരിൽ തിരച്ചിൽ നി‍ർത്തിവെച്ചിരിക്കുകയാണ്. നദിയുടെ അടിയൊഴുക്കിന്റെ ശക്തി കുറഞ്ഞാൽ മാത്രമേ തിരച്ചിൽ വീണ്ടും പുനരാരംഭിക്കാൻ കഴിയുകയുള്ളു.