സ​മ്മാ​നാ​ർ​ഹ​മാ​യ ലോ​ട്ട​റി ടി​ക്ക​റ്റി​ന്‍റെ കളര്‍ പ്രിന്റുമായി എത്തി പണം തട്ടാന്‍ ശ്രമം; ആറ്റിങ്ങലിൽ രണ്ട് പേര്‍ പിടിയില്‍

സ്വന്തം ലേഖകൻ

ആ​റ്റി​ങ്ങ​ൽ: സ​മ്മാ​നാ​ർ​ഹ​മാ​യ ലോ​ട്ട​റി ടി​ക്ക​റ്റി​ന്‍റെ വ്യാ​ജ പ​തി​പ്പ് സൃ​ഷ്ടി​ച്ച്​ പ​ണം ത​ട്ടാ​ൻ ശ്ര​മി​ച്ച പ്ര​തി​ക​ൾ പി​ടി​യി​ൽ. മ​ല​പ്പു​റം മ​ങ്ക​ട കോ​ഴി​പ​റ​മ്പി​ൽ വീ​ട്ടി​ൽ സ​ജി​ൻ (38), ക​ണ്ണൂ​ർ ചെ​റു​പു​ഴ ക​ളി​ക്ക​ല​ക​ത്ത് കി​ഴ​ക്ക​തി​ൽ വീ​ട്ടി​ൽ നി​ഖി​ൽ (40) എ​ന്നി​വ​രാ​ണ് പി​ടി​യി​ലാ​യ​ത്.

ഇന്നലെ വൈകുന്നേരം മൂന്നുമണിയോടെ ആറ്റിങ്ങല്‍ കച്ചേരി ജംങ്ഷനിലായിരുന്നു സംഭവം. ലോട്ടറി ഏജന്‍സിയിലെത്തിയ പ്രതികള്‍ 5,000 രൂപ സമ്മാനം അടിച്ച വിന്‍വിന്‍ ലോട്ടറി ടിക്കറ്റുകള്‍ ഹാജരാക്കി. സമ്മാനം കിട്ടിയ സീരീസിലെ 12 വ്യാജ ലോട്ടറി ടിക്കറ്റുകളുമായാണ് ഇരുവരും എത്തിയത്.

സംശയം തോന്നിയ ഏജന്‍സി ജീവനക്കാരന്‍ പരിശോധിച്ചപ്പോള്‍, കളര്‍ പ്രിന്‍റ് ചെയ്ത വ്യാജ ടിക്കറ്റുകളാണ് നല്‍കിയതെന്ന് മനസ്സിലായി. ഉടന്‍ തന്നെ ഏജന്‍സി ജീവനക്കാരന്‍ പൊലീസിനെ വിവരം അറിയിക്കുകയും പൊലീസെത്തി പ്രതികളെ പിടികൂടുകയുമായിരുന്നു.