കൊച്ചുമോന്റെ കണ്ണുകൾ ഇനി 2 പേർക്ക് പ്രകാശമാകും ; തിരുവല്ലയിൽ വാഹനാപകടത്തിൽ മരിച്ച പുതുപ്പള്ളി സ്വദേശിയുടെ കണ്ണുകൾ ദാനം ചെയ്‌തു

തിരുവല്ല  : മരണ ശേഷവും നന്മയുടെ വെളിച്ചമായി പുതുപ്പള്ളി ഇരവിനല്ലൂർ പാലപ്പറമ്പിൽ പോത്തൻ ഫിലിപ്പോസ് എന്ന കൊച്ചുമോൻ.

വെള്ളിയാഴ്ച ഉച്ചയ്ക്ക് ഒന്നരയോടെ തിരുവല്ല-കായംകുളം റോഡിൽ ആലംതുരുത്തിക്കു സമീപം ഉണ്ടായ വാഹനാപകടത്തിൽ പരുക്കേറ്റു ചികിത്സയിലായിരുന്ന പോത്തൻ ഫിലിപ്പോസ് (കൊച്ചുമോൻ-54) ഇന്നലെയാണു മരിച്ചത്.

തുടർന്ന് ഇദ്ദേഹത്തിന്റെ  കണ്ണുകൾ വൈകിട്ടോടെ ദാനം ചെയ്തു. പോത്തൻ സഞ്ചരിച്ചിരുന്ന ബൈക്കിൽ പിക്കപ് വാൻ ഇടിച്ചായിരുന്നു അപകടം. പുതുപ്പള്ളി വാവ സൗണ്ട് സിസ്‌റ്റം ഉടമയാണ്.

പരേതരായ പി.ഫിലിപ്പിന്റെയും പൊന്നമ്മയുടെയും മകനാണ്. ഭാര്യ: പുതുപ്പള്ളി വഴിയിൽ ബീന പോത്തൻ (വാകത്താനം എംജിഇഎം എച്ച്എസ്എസ്)

മക്കൾ: ബിക്കു പോത്തൻ ഫിലിപ് (ഇൻഫോപാർക്ക്, കൊച്ചി), ജിക്കു പോത്തൻ ഫിലിപ് (എംസിഎ വിദ്യാർഥി, ക്രിസ്‌ ജ്യോതി കോളജ് ചങ്ങനാശേരി).