കോട്ടയം : കുമരകത്ത് ഡ്രൈ ഡേയിൽ അനധികൃത മദ്യ വില്പന നടത്തിയാൾ എക്സൈസിന്റെ പിടിയിൽ. കുമരകം പരുത്തിപ്പറമ്പിൽ ബൈജു പി ആർ (51)ആണ് പിടിയിലായത്.
കുമരകം ബോട്ട് ജെട്ടിയിലും സ്കൂൾ പരിസരങ്ങളിലും അനധികൃത മദ്യവില്പനയും – മയക്ക്മരുന്ന് ഉപയോഗവും നടത്തുന്നതായി പരാതി ഉയർന്നതിനെ തുടർന്ന് എക്സൈസ് നടത്തിയ പരിശോധനയിലാണ് ഇയാൾ പിടിയിലായത്.
എക്സൈസ് സംഘത്തെ കണ്ട് ഭയന്ന ഇയാൾ മദ്യക്കുപ്പികൾ ബാഗിനുള്ളിലാക്കി രക്ഷപെടാൻ ശ്രമിച്ചെങ്കിലും എക്സൈസ് സംഘം കയ്യോടെ പിടികൂടുകയായിരുന്നു.
Whatsapp Group 1 | Whatsapp Group 2 |Telegram Group
ഇയാളിൽ നിന്നും ഒന്നര ലിറ്റർ മദ്യവും മദ്യം വിറ്റ വകയിൽ ലഭിച്ച 2290/ രൂപയും പിടിച്ചെടുത്തു. പ്രതിക്കെതിരെ ഇതിന് മുൻപും എക്സൈസ് മദ്യക്കച്ചവടത്തിന് കേസെടുത്തിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
റെയ്ഡിൽ അസി എക്സൈസ് ഇൻസ്പെക്ടർ ആനന്ദ് രാജ് ബി, പ്രിവൻ്റീവ് ഓഫീസർ അനീഷ് രാജ് കെ ആർ, ഹരികൃഷ്ണൻ ടി എ, സിവിൽ എക്സൈസ് ഓഫീസർ വിനോദ് കുമാർ വി, വനിത സിവിൽ എക്സൈസ് ഓഫീസർ അമ്പിളി കെ ജി എന്നിവർ പങ്കെടുത്തു.
കുമരകത്തെ മദ്യ-മയക്ക്മരുന്ന് മാഫിയയെ അടിച്ചമർത്താൻ നടപടി എടുത്തതായി എക്സൈസ് സംഘം അറിയിച്ചു.
