അന്യസംസ്ഥാന തൊഴിലാളികളുടെ ക്യാമ്പുകളിൽ മിന്നൽ പരിശോധന നടത്തി എക്‌സൈസ്: ക്യാമ്പുകളിൽ നിന്ന് ലഹരി വസ്തുക്കൾ പിടിച്ചെടുത്തു

സ്വന്തം ലേഖകൻ 

എറണാകുളം: അന്യസംസ്ഥാന തൊഴിലാളികളുടെ ക്യാമ്പുകളിൽ പരിശോധനയുമായി എക്സൈസ്. എറണാകുളം ജില്ലയിലെ അന്യസംസ്ഥാന തൊഴിലാളികളുടെ ലേബർ ക്യാമ്പുകളിലാണ് എക്‌സൈസ് സംഘം മിന്നൽ പരിശോധന നടത്തിയത്.

ക്യാമ്പുകളിൽ നിന്നും ലഹരി വസ്തുക്കൾ പിടിച്ചെടുത്തു. പെരുമ്പാവൂർ, ആലുവ ഉൾപ്പെടെ വിവിധയിടങ്ങളിലെ ലേബർ ക്യാമ്പുകളിലാണ് പരിശോധന നടന്നത്.

എറണാകുളത്തെ എക്‌സൈസ് ഉദ്യോഗസ്ഥർ വിവിധ യൂണിറ്റുകളായി തിരിഞ്ഞാണ ലേബർ ക്യാമ്പുകളിൽ പരിശോധനയ്ക്ക് എത്തിയത്. എക്‌സൈസ് ഡെപ്യൂട്ടി കമ്മീഷണറുടെ നിർദേശ പ്രകാരമായിരുന്നു നടപടി. പരിശോധന ശക്തമാക്കാനാണ് അധികൃതരുടെ തീരുമാനം.