പത്തനംതിട്ട: കൊഴഞ്ചേരി താലൂക്കിലെ കുളനടയില് മൂന്ന് കിലോയിലധികം കഞ്ചാവുമായി രണ്ട് പശ്ചിമ ബംഗാള് സ്വദേശികളെ എക്സൈസ് സംഘം പിടികൂടി.
കുളനട – ഓമല്ലൂർ റോഡില് എസ്.ആർ പോളി ക്ലിനിക്കിന് മുൻവശത്ത് വെച്ചാണ് പ്രതികളെ എക്സൈസ് സ്പെഷ്യല് സ്ക്വാഡ് അറസ്റ്റ് ചെയ്യ്തത്. ദക്ഷിണ ദിനാജ്പൂർ, ഡൗലത്പൂർ സ്വദേശി പരൂക്ക് അലി (25), ജനാഫുള് സ്വദേശി പ്രദീപ് ഘോഷ് (36) എന്നിവരെയാണ് അറസ്റ്റ് ചെയ്തത്.
പത്തനംതിട്ട സ്പെഷ്യല് സ്ക്വാഡ് നടത്തിയ പരിശോധനയില് ഇവരുടെ പക്കല് നിന്ന് 3.192 കിലോഗ്രാം കഞ്ചാവ് കണ്ടെടുത്തു. തുടർന്ന് എൻ.ഡി.പി.എസ് ആക്ട് പ്രകാരം ഇവരെ അറസ്റ്റ് ചെയ്യുകയായിരുന്നു. K L 26 C 6593 നമ്പറിലുള്ള ടിവിഎസ് വേഗൊ സ്കൂട്ടറിലാണ് ഇവർ കഞ്ചാവ് കടത്താൻ ശ്രമിച്ചത്. പ്രതികളെ പിടികൂടിയത് പത്തനംതിട്ട സ്പെഷ്യല് സ്ക്വാഡ് സംഘമാണ്. പിടിയിലായ പ്രതികള്ക്ക് ലഹരി കടത്ത് സംഘങ്ങളുമായുള്ള ബന്ധത്തെക്കുറിച്ച് എക്സൈസ് വിശദമായ അന്വേഷണം ആരംഭിച്ചിട്ടുണ്ട്.
Whatsapp Group 1 | Whatsapp Group 2 |Telegram Group