കോട്ടയം :കേരള സ്റ്റേറ്റ് എക്സൈസ് സ്റ്റാഫ് അസോസിയേഷൻ ജില്ലാ സമ്മേളനവും, വിരമിക്കുന്ന എക്സൈസ് ഓഫീസർമാരുടെ യാത്രയയപ്പും കോട്ടയത്ത് ജില്ലാ പഞ്ചായത്ത് ഹാളിൽ നടന്നു. സമ്മേളനം കെ.എസ് . ഇ.എസ്.എ സംസ്ഥാന ജനറൽ സെക്രട്ടറി സന്തോഷ് കുമാർ ഉദ്ഘാടനം ചെയ്തു.
മയക്ക്മരുന്ന് മാഫിയയ്ക്കെതിരെ ശക്തമായി നടപടി സ്വീകരിക്കുവാൻ എക്സൈസ് സേനയുടെ അംഗബലം വർദ്ധിപ്പിക്കുക, നെടുംകുന്നം, കുമരകം എക്സൈസ് റേഞ്ചുകൾ പ്രവർത്തിക്കുവാനുള്ള നടപടി സ്വീകരിക്കുക , വിമുക്തി പ്രവർത്തനത്തിനായി പുതിയ തസ്തികകൾ അനുവദിക്കുക എന്നീ ആവശ്യങ്ങൾ പ്രമേയങ്ങളായി അവതരിപ്പിക്കപ്പെട്ടു.
സർവീസിൽ നിന്നും പിരിഞ്ഞ് പോവുന്ന അസി.എക്സൈസ് ഇൻസ്പെക്ടർമാരായ മനോജ് ടി.കെ, സുനിൽ എം.പി പ്രിവന്റീവ് ഓഫീസർ വിനോദ് കുമാർ . വി , ജോയിന്റ് എക്സൈസ് കമ്മീഷണർ ആർ . ജയചന്ദ്രൻ എന്നിവർക്ക് യാത്രയയപ്പ് നൽകി.
Whatsapp Group 1 | Whatsapp Group 2 |Telegram Group
ജില്ലാ സെക്രട്ടറിയായിനി ഫി ജേക്കബ്, പ്രസിഡന്റ് അഭിലാഷ് വി.ടി , ട്രഷറർ അൻജിത്ത് രമേശ് എന്നിവരെ സമ്മേളനം തിരഞ്ഞെടുത്തു . മുൻ ജില്ലാ പ്രസിഡന്റ് സുനിൽ പി.ജെ അധ്യക്ഷത വഹിച്ചു. ജയമോൻ. പി.ജെ നന്ദി പറഞ്ഞു. റ്റോ ജോ പി . ഞള്ളിയിൽ, റെജി കൃഷ്ണൻ , സുജിത്ത് വി.എസ് എന്നിവരെ സംസ്ഥാന കമ്മറ്റിയിലേക്കും തിരഞ്ഞെടുത്തു.
