ഏറ്റുമാനൂർ പട്ടിത്താനത്ത് നിയന്ത്രണം വിട്ട ലോറി മറിഞ്ഞു അപകടം ; ഡ്രൈവർ അത്ഭുതകരമായി രക്ഷപെട്ടു

കോട്ടയം: ഏറ്റുമാനൂർ പട്ടിത്താനത്ത് നിയന്ത്രണം വിട്ട ലോറി മറിഞ്ഞുണ്ടായ അപകടത്തിൽ ഡ്രൈവർ അത്ഭുതകരമായി രക്ഷപെട്ടു.
തമിഴ്നാട്ടിൽ നിന്നും വടവാതൂരിലെ ടയർ ഫാക്ടറിയിലേക്ക് എത്തിയ ലോറിയാണ് നിയന്ത്രണം റോഡിൽ മറിഞ്ഞത്.

ഇന്ന് പുലർച്ചെ അഞ്ചുമണിയോടെയാണ് അപകടം. എറണാകുളം ഭാഗത്തുനിന്ന് എത്തിയ ലോറി പട്ടിത്താനത്ത് വച്ച് നിയന്ത്രണം നഷ്ടമായി റോഡിൽ മറിയുകയായിരുന്നു.

അപകടത്തെ തുടർന്ന് എംസി റോഡിലും വൻ ഗതാഗതക്കുരുക്ക് രൂക്ഷമായിരുന്നു. ഏറ്റുമാനൂർ പോലീസ് സ്ഥലത്തെത്തി മേൽനടപടികൾ സ്വീകരിച്ചു.