കാറില്‍ മാന്തിയെന്നാരോപണം; ഏറ്റുമാനൂരിൽ അയല്‍വാസിയുടെ വെടിയേറ്റ വളര്‍ത്ത് പൂച്ചയ്ക്ക് ഗുരുതര പരിക്ക്; വെടിയുണ്ട പുറത്തെടുത്തത് മണിക്കൂറുകള്‍ നീണ്ട ശസ്ത്രക്രിയയിലൂടെ

സ്വന്തം ലേഖകൻ

ഏറ്റുമാനൂര്‍: കോട്ടയം ഏറ്റുമാനൂരില്‍ അയല്‍വാസിയുടെ വെടിയേറ്റ് വളര്‍ത്ത് പൂച്ചയ്ക്ക് ഗുരുതര പരിക്ക്.

നീണ്ടൂര്‍ സ്വദേശികളായ തോമസ്- – മോണിക്കാ ദമ്പതികളുടെ പൂച്ചയ്ക്കാണ് വെടിയേറ്റത്. തന്റെ കാറില്‍ പൂച്ച മാന്തിയെന്നാരോപിച്ച്‌ അയല്‍വാസി അവറാന്‍ തോക്ക് കൊണ്ട് വെടിവച്ചെന്നാണ് പരാതി.

പൂച്ചയുടെ വയര്‍ ഭാഗത്താണ് വെടിയേറ്റത്. മണിക്കൂറുകള്‍ നീണ്ട ശസ്ത്രക്രിയയിലൂടെയാണ് പൂച്ചയുടെ ശരീരത്തില്‍ നിന്ന് വെടിയുണ്ട പുറത്തെടുത്തത്.

സംഭവത്തില്‍ ഇതുവരെ പരാതിയൊന്നും കിട്ടിയിട്ടില്ലെന്ന് ഏറ്റുമാനൂര്‍ പൊലീസ് അറിയിച്ചു.