എസ്റ്റേറ്റിലെ സ്ഥിര താമസക്കാരി; തൊഴിലാളികളുടെ പ്രിയപ്പെട്ടവള്‍ ഈ പെണ്‍മയില്‍ :പകല്‍ സമയത്ത് തീറ്റ തേടി ലയങ്ങളുടെ പരിസരത്തുണ്ടാകും: രാത്രിയായാല്‍ ഏതെങ്കിലുമൊരു ലയത്തിനു മുകളില്‍

സ്വന്തം ലേഖകൻ
കന്നിമല :എസ്റ്റേറ്റിലെ തോട്ടം മേഖലയില്‍ കഴിഞ്ഞ ഒരു വർഷമായി മറ്റെങ്ങും പോകാതെ കഴിയുകയാണ് ഈ പെണ്‍മയില്‍. തോട്ടം തൊഴിലാളികള്‍ക്ക് ഏറെപ്രിയപ്പെട്ടവളാണ് ഈ മയില്‍.

പകല്‍ സമയത്ത് തീറ്റ തേടി ലയങ്ങളുടെ പരിസരത്തുണ്ടാകും രാത്രിയായാല്‍ ഏതെങ്കിലുമൊരു ലയത്തിനു മുകളില്‍ അഭയം പ്രാപിക്കും.

ടോപ് ഡിവിഷനിലെ തൊഴിലാളികളുമായി അടുത്ത സൗഹൃദത്തിലാണ് മയില്‍ കഴിയുന്നത്. കുട്ടികളടക്കമുള്ളവരാരും തന്നെ ഇതിനെ ശല്യപ്പെടുത്താറില്ല.

ഒരു വർഷം മുൻപ് മറ്റ് മയിലുകള്‍ക്കൊപ്പം ചിന്നാർ മേഖലയില്‍ നിന്നുമെത്തിയതാണ് ഈ പെണ്‍മയിലെന്ന് പ്രദേശവാസികള്‍ പറഞ്ഞു.

ലയങ്ങള്‍ക്ക് സമീപം തീറ്റ തേടി നടക്കുമ്പോള്‍ തെരുവുനായ്ക്കള്‍ മയിലിനെ ആക്രമിക്കുമോ എന്ന ആശങ്കയിലാണ് തൊഴിലാളികള്‍. നിരവധി തവണ തെരുവുനായ്ക്കളുടെ

ആക്രമണത്തില്‍ നിന്ന് രക്ഷപെട്ടതാണ് മയില്‍