എറണാകുളം ചക്കരപ്പറമ്പില്‍ കോളേജ് വിദ്യാർത്ഥികള്‍ സഞ്ചരിച്ച ബസ് മറിഞ്ഞു: 3 പേർക്ക് പരിക്ക്: തമിഴ്നാട്ടില്‍ നിന്നുള്ള കോളേജ് വിദ്യാർത്ഥികളാണ് ബസിലുണ്ടായിരുന്നത്: കോയമ്പത്തൂരില്‍ നിന്ന് വർക്കലയിലേക്ക് പോവുകയായിരുന്നു: ഇന്നു പുലർച്ചെയാണ് അപകടം.

എറണാകുളം: എറണാകുളം ചക്കരപ്പറമ്പില്‍ കോളേജ് വിദ്യാർത്ഥികള്‍ സഞ്ചരിച്ച ബസ് നിയന്ത്രണം വിട്ട് മറിഞ്ഞ് അപകടം.

ദേശീയ പാതയിലുണ്ടായ അപകടത്തില്‍ 3 പേർക്ക് പരിക്കേറ്റു.

തമിഴ്നാട്ടില്‍ നിന്നുള്ള കോളേജ് വിദ്യാർത്ഥികളാണ് ബസിലുണ്ടായിരുന്നത്. കോയമ്പത്തൂരില്‍ നിന്ന് വർക്കലയിലേക്ക് പോയ ബസാണ് മറിഞ്ഞത്. പുലര്‍ച്ചെ 3 മണിയോടെയാണ് അപകടമുണ്ടായത്.

30 വിദ്യാര്‍ത്ഥികളാണ് ബസിലുണ്ടായിരുന്നത്. ആരുടെയും പരിക്ക് ഗുരുതരമല്ല. അപകടത്തെ തുടര്‍ന്ന് ദേശീയപാതയില്‍ ഒരു മണിക്കൂറോളം ഗതാഗത തടസമുണ്ടായി.