ഇ.പി.എഫിന്റെ പേരിലും ഓൺലൈൻ തട്ടിപ്പ് ; വ്യാജസന്ദേശത്തിലൂടെ പണം തട്ടാൻ നീക്കം, ജാഗ്രതാ നിർദ്ദേശവുമായി സർക്കാർ
സ്വന്തം ലേഖകൻ
കൊച്ചി: ഇ.പി.എഫ് അംഗങ്ങളുടെ അക്കൗണ്ടിലേക്ക് കൂടിയ പലിശ നിക്ഷേപിക്കാൻ ആരംഭിച്ചതോടെ ഓൺലൈൻ തട്ടിപ്പ് വിരുതൻമാരും രംഗത്ത വന്നിട്ടുണ്ട്. ’90 നും 2019 നും ഇടയ്ക്ക ഇ.പി.എഫിൽ അംഗങ്ങളായവർക്ക് 80,000 രൂപ വീതം നൽകുന്നുവെന്ന വ്യാജ സന്ദേശത്തിലൂടെയാണു പണം തട്ടാനുള്ള നീക്കം.
ഇ.പി.എഫിന്റെ വെബ്‌സൈറ്റിലേതിനു സമാനമായ ചിത്രങ്ങൾ നൽകിയാണു തട്ടിപ്പ്. https://socialdraw.top/epf എന്ന ലിങ്കിലൂടെ സൈറ്റിൽ കയറിയാൽ ഇപിഎഫ് വെബ്‌സൈറ്റിന്റെ മുകൾഭാഗത്തുള്ള ഗ്രാഫിക്‌സ് അതേ പോലെ കാണാം.
Whatsapp Group 1 | Whatsapp Group 2 |Telegram Group
ഇതിൽ കയറിയാൽ നിങ്ങൾ 18 വയസായ ആളാണോ, 90 നും 2019നും ഇടയ്ക്ക് ജോലി ചെയ്തയാളാണോ തുടങ്ങിയ ചോദ്യങ്ങളും കാണാം. ഈ ചോദ്യങ്ങൾക്ക് ഉത്തരം നൽകിയാൽ 80,000 രൂപ ലഭിക്കാൻ അർഹനാണ് എന്ന സന്ദേശം വരും. ഒട്ടേറെ വാട്‌സാപ് അക്കൗണ്ടുകളിലേക്ക് ഇതിനകം ഈ ലിങ്ക് എത്തിയതായി ഇ.പി.എഫ് അധികൃതർ അറിയിച്ചു. ഇ.പി.എഫിന്റെ പേരിൽ വ്യാജസന്ദേശങ്ങൾ വ്യാപകമായതോടെ യു.എ.എൻ നമ്പർ, ആധാർ, പാൻ വിവരങ്ങളോ ഫോണിലൂടെയോ മറ്റേതെങ്കിലും സൈറ്റുകളിലൂടെയോ നൽകരുതെന്ന് ഇ.പി.എഫ്. മുന്നറിയിപ്പ് നൽകി
