എന്നെ പറ്റിച്ചോയെന്ന് പറഞ്ഞ് നിന്നുകൊടുക്കും!ബാലയെ പറ്റിക്കാനെളുപ്പമാണ്! വീണ്ടും വൈറലായി എലിസബത്തിന്റെ വാക്കുകൾ;രണ്ടാം വിവാഹവും തകർന്നതിനെ ശേഷം എലിസബത്തിന്റെ വാക്കുകൾ സമൂഹ മാധ്യമങ്ങളിൽ വലിയ ചർച്ചയായി മാറുകയാണ്…

താരങ്ങളുടെ സ്വകാര്യ ജീവിതത്തിലെ കാര്യങ്ങളും വാര്‍ത്തകളില്‍ നിറയാറുണ്ട്. വ്യക്തി ജീവിതത്തെക്കുറിച്ച് ചിലര്‍ തുറന്ന് പറയുമ്പോള്‍ മറ്റ് ചിലരാവട്ടെ അത് സ്വകാര്യമായി സൂക്ഷിക്കുകയാണ് ചെയ്യാറുള്ളത്. സിനിമയെക്കുറിച്ചും കരിയറിലെ കാര്യങ്ങളെക്കുറിച്ചുമെല്ലാം തുറന്ന് പറയുന്നയാളാണ് ബാല. അഭിനയത്തിന് പുറമെ സാമൂഹ്യപ്രവര്‍ത്തനങ്ങളിലും സജീവമാണ് അദ്ദേഹം. ലൈവ് വീഡിയോയിലൂടെയായാണ് അദ്ദേഹം എലിസബത്തുമായി പിരിഞ്ഞത് അറിയിച്ചത്. രണ്ടാം വിവാഹവും പരാജയമായെന്നും വേദന നിറഞ്ഞ അനുഭവങ്ങളിലൂടെയാണ് കടന്നുപോവുന്നതെന്നുള്ള ബാലയുടെ തുറന്നുപറച്ചില്‍ വൈറലായിരുന്നു. വിവാഹ ശേഷം ബാലയ്‌ക്കൊപ്പമായി അഭിമുഖങ്ങളില്‍ എലിസബത്തും പങ്കെടുക്കാറുണ്ട്. ബാലയുടെ ക്യാരക്ടറിനെക്കുറിച്ച് എലിസബത്ത് പറഞ്ഞ കാര്യങ്ങളും ഇപ്പോള്‍ ചര്‍ച്ചയായി മാറിയിട്ടുണ്ട്.
ഒന്നിച്ചുള്ള അഭിമുഖങ്ങള്‍
പ്രണയിച്ച് വിവാഹിതരായവരാണ് ബാലയും എലിസബത്തും. സിനിമകളിലൂടെയായി ബാലയെ ഇഷ്ടമായിരുന്നുവെന്നും സോഷ്യല്‍മീഡിയയിലൂടെയാണ് പരിചയപ്പെട്ടതെന്നും എലിസബത്ത് പറഞ്ഞിരുന്നു. വിവാഹ ശേഷമായി അഭിമുഖങ്ങളില്‍ ഇരുവരും ഒന്നിച്ചെത്തിയിരുന്നു. ഫേസ്ബുക്ക് ലൈവില്‍ വരുമ്പോഴും ബാലയ്‌ക്കൊപ്പം എലിസബത്ത് ഉണ്ടാവാറുണ്ട്. ഇവരുടെ പഴയ അഭിമുഖങ്ങളും വീഡിയോയുമെല്ലാം വീണ്ടും ചര്‍ച്ചയായിക്കൊണ്ടിരിക്കുകയാണ്.
ബാലയെക്കുറിച്ച്
ഷൂട്ടിംഗുള്ള ദിവസങ്ങളില്‍ പുള്ളി അധികം മിണ്ടാറില്ല. പൊതുവെ ഉള്ളതിനേക്കാളും സീരിയസായിരിക്കും. രാവിലെ എഴുന്നേറ്റ് നടക്കാന്‍ പോവുമെന്ന് എലിസബത്ത് പറഞ്ഞപ്പോള്‍ ഇവള്‍ ഉപദ്രവിക്കില്ല, ഞാന്‍ നടക്കുകയാണെങ്കില്‍ നീയും നടക്കണമെന്ന് പറയുമെന്നായിരുന്നു ബാല പറഞ്ഞത്. കംഫര്‍ട്ടബിളായിട്ടുള്ളവരുമായേ ഞാന്‍ ഫ്രണ്ട്ഷിപ്പ് വെക്കാറുള്ളൂവെന്ന് എലിസബത്ത് പറഞ്ഞപ്പോള്‍ ബാല ഇടപെട്ടിരുന്നു.

അമ്മയെക്കുറിച്ച്
എന്റെ അമ്മയുമായി ഇവള്‍ക്ക് നല്ല ഫ്രണ്ട്ഷിപ്പുണ്ട്. ഇവളുടെ കാര്യത്തില്‍ അമ്മ എന്നേക്കാളും പൊസസീവാണെന്നായിരുന്നു ബാല പറഞ്ഞത്. എല്ലാ കാര്യങ്ങളും പറയാന്‍ പറ്റുന്നവരോടേ കൂടാറുള്ളൂ, അവര്‍ക്കൊപ്പം മാത്രമേ പുറത്ത് പോവാറുള്ളൂ, അധികമാരോടും മിണ്ടാറില്ലെന്നും അങ്ങനെയുള്ള ക്യാരക്ടറാണ് തന്റേതെന്നും എലിസബത്ത് പറഞ്ഞിരുന്നു. പിറന്നാളിന് അമ്മ ഭാര്യക്ക് സര്‍പ്രൈസ് നല്‍കുന്നതിന്റെ വീഡിയോ മുന്‍പ് ബാല പങ്കുവെച്ചിരുന്നു.

പറ്റിക്കാനെളുപ്പമാണ്
ബാലയുടെ സാമ്പത്തിക ഇടപാടുകളെക്കുറിച്ചും അവതാരക ചോദിച്ചിരുന്നു. പുള്ളിയാണ് ആള്‍ക്കാരെക്കൊണ്ട് എന്നെ പറ്റിക്കൂ പറ്റിക്കൂയെന്ന് പറയുന്നത്. നല്ല ആള്‍ക്കാരെയടക്കം പുള്ളി നാശമാക്കിയിട്ട് പറ്റിപ്പിക്കും. സഹായം ചോദിക്കുമ്പോള്‍ കൊടുക്കുന്നത് തെറ്റാണോയെന്നായിരുന്നു ഇത് കേട്ടപ്പോള്‍ ബാല ചോദിച്ചത്. പുള്ളിക്ക് അത് രസമാണെന്ന് പറഞ്ഞപ്പോള്‍ അനുഭവിക്കുന്ന എനിക്കേ അറിയൂയെന്നായിരുന്നു ബാലയുടെ മറുപടി. ഈ പോക്ക് അതിലേക്കാണെന്ന് നമുക്ക് മനസിലാവുമെന്ന് എലിസബത്ത് പറയുമ്പോള്‍ കൂടുതല്‍ പറയേണ്ടെന്ന് പറഞ്ഞ് ആ വിഷയം അവസാനിപ്പിക്കുകയായിരുന്നു ബാല.
സന്തോഷനിമിഷം
ഇവര്‍ നല്ലതാണോ ചീത്തയാണോ എന്ന് തിരിച്ചറിയാനുള്ള കഴിവ് എനിക്ക് ദൈവം തന്നില്ല. വീട്ടിലിരുന്ന് പാട്ടൊക്കെ പാടി ഒന്നിച്ച് ഭക്ഷണം കഴിക്കുന്നതാണ് ഞങ്ങള്‍ക്ക് കൂടുതലിഷ്ടമുള്ള കാര്യം. ചെറിയ കാര്യങ്ങളില്‍ സന്തോഷം കണ്ടെത്തുന്നവരാണ് ഞങ്ങളെന്നും ബാല പറഞ്ഞിരുന്നു. കുടുംബത്തിലെല്ലാവരുമായി ചേരുന്ന നിമിഷമാണ് എന്റെ ഫെസ്റ്റിവല്‍. സന്തോഷിക്കാന്‍ എനിക്കങ്ങനെ പ്രത്യേകിച്ച് ദിവസമൊന്നും വേണ്ടതില്ലെന്നും ബാല അഭിമുഖത്തില്‍ വ്യക്തമാക്കിയിരുന്നു.