തലസ്ഥാനത്ത് ആനകള്‍ക്കായി ഒരു ആശുപത്രി വരുന്നു; അതും ആധുനിക തലത്തില്‍

സ്വന്തം ലേഖകൻ

തിരുവനന്തപുരം: ആനകള്‍ക്കായി ഒരു ആശുപത്രി, അതും ആധുനിക തലത്തില്‍. കേരളത്തിലെ ഏക ആനപുനരധിവാസകേന്ദ്രവും വിനോദസഞ്ചാര കേന്ദ്രവുമായ കോട്ടൂര്‍ കാപ്പുകാട്ടിലാണ് ആന ആശുപത്രി ഒരുങ്ങുന്നത്.

ആധുനിക സംവിധാനത്തോടെ 24 മണിക്കൂറും പ്രവര്‍ത്തിക്കുന്നതാണ് ആശുപത്രി.

ആനകളുടെ പുനരധിവാസവും സ്വാഭാവിക ആവാസ വ്യവസ്ഥയില്‍ സഞ്ചാരികള്‍ക്ക് ആനകളെ അടുത്ത് കാണുന്നതിനുള്ള അവസരവും ലക്ഷ്യമിട്ട് തുടങ്ങിയ പാര്‍ക്കിനുള്ളില്‍ ആനകളെ കിടത്തിചികിത്സിക്കാനുള്ള വാര്‍ഡ്, ലബോറട്ടറി, ഓപറേഷന്‍ തിയറ്റര്‍, ഇണചേരുന്നതിനുള്ള സൗകര്യം, എക്‌സ്‌റേ, സ്‌കാനിങ്, പി.സി.ആര്‍ ലാബ് ഉള്‍പ്പെടെയുള്ള ചികിത്സാസംവിധാനങ്ങളുണ്ടാകും.