പാതിരാത്രിയില്‍ വീടിന് പരിസരത്ത് വലിയ ശബ്ദം; വീട്ടുകാരിറങ്ങി നോക്കിയപ്പോൾ കണ്ടത് കക്കൂസ് കുഴിയില്‍ കിടക്കുന്ന കാട്ടാനയെ; ഒടുവിൽ സംഭവിച്ചത്…

തിരുവനന്തപുരം : പാലോട് നാട്ടിലിറങ്ങിയ കാട്ടാന കക്കൂസ് കഴിയില്‍ വീണു.

പാലോട് – ചിപ്പൻചിറ വാർഡില്‍ കണ്ണൻകോട് ചന്ദ്രന്റെ വീട്ടില്‍ ഇന്നലെ രാത്രി 12. മണിയോടെയാണ് കാട്ടാനയെത്തിയത്.
പറമ്പിലെ പ്ലാവിലെ ചക്ക തിന്നാനെത്തിയ ആന കക്കൂസ് കുഴിയില്‍ വീഴുകയായിരുന്നു.

പാതിരാത്രി ശബ്ദം കേട്ട് നോക്കിയപ്പോഴാണ് കാട്ടാനയെ കണ്ടത്. ഉടൻ തന്നെ വനം വകുപ്പിനെയും പാലോട് പൊലീസിനെയും ഫോണില്‍ വിളിച്ച്‌ വിവരമറിയിച്ചു. 2 മണിക്കൂറോളം കുഴിയില്‍ കിടന്ന കാട്ടാന, തന്നെ മണ്ണ് ഇടിച്ച്‌ കരയ്ക്ക് കയറി.

ഏറെ നേരം ക്ഷീണിച്ച്‌ പറമ്പില്‍ കിടന്ന ശേഷമാണ് ആന വനത്തിലേക്ക് കയറി പോയത്. സ്ഥലത്ത് കാട്ടാന ശല്യം രൂക്ഷമാണെന്നും വനംവകുപ്പ് കൃത്യമായ നടപടികള്‍ സ്വീകരിക്കണമെന്നും നാട്ടുകാർ ആവശ്യപ്പെട്ടു. കക്കൂസ് കുഴിയില്‍ വീണ കാട്ടാനയുടെ വീഡിയോ ദൃശ്യങ്ങളും പുറത്ത് വന്നിട്ടുണ്ട്.