തിരുവനന്തപുരത്ത് ദ്രവിച്ച് പൊട്ടിവീണ ലൈൻ കമ്പിയിൽ നിന്ന് ഷോക്കേറ്റ് ഒരാള്‍ മരിച്ചു

സ്വന്തം ലേഖിക

തിരുവനന്തപുരം: പാങ്ങോട് ഷോക്കേറ്റ് ഒരാള്‍ മരിച്ചു.

പൊട്ടിവീണ ലൈനില്‍ നിന്ന് ഷോക്കേറ്റാണ് മരണം. ഭരതന്നൂര്‍ സ്വദേശി അജിമോന്‍ (44) ആണ് മരിച്ചത്.

ദ്രവിച്ച കമ്പി പൊട്ടിവീഴുകയായിരുന്നുവെന്നാണ് നാട്ടുകാര്‍ പറയുന്നത്. ലൈനിനോട് ചേര്‍ന്നുള്ള മരക്കൊമ്പുകള്‍ വെട്ടിമാറ്റിയിട്ടില്ലെന്നും അവര്‍ പറഞ്ഞു. കെ.എസ്.ഇ.ബിയോട് ഇക്കാര്യം പറഞ്ഞിരുന്നുവെന്നും എന്നിട്ടും നടപടി സ്വീകരിച്ചില്ലെന്നും നാട്ടുകാര്‍ കുറ്റപ്പെടുത്തി.