കേരളത്തില് ആദ്യഘട്ട തദ്ദേശ തിരഞ്ഞെടുപ്പിന്റെ പരസ്യ പ്രചാരണം ഇന്ന് അവസാനിക്കും. വൈകീട്ട് ആറു മണിക്കാണ് കലാശക്കൊട്ട്.തിരുവനന്തപുരം, മുതല് എറണാകുളം വരെയുള്ള ഏഴു ജില്ലകളില് ഇന്ന് പരസ്യപ്രചാരണം സമാപിക്കും.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലായി 36,630 സ്ഥാനാർഥികളാണ് 595 തദ്ദേശ സ്ഥാപനങ്ങളിലെ 11,168 വാർഡുകളിലേക്കു മത്സരിക്കുന്നത്.7 ജില്ലകളിലായി 1.31കോടി വോട്ടർമാരും 15,432 പോളിങ് ബൂത്തുകളുമാണുള്ളത്.
രണ്ടാംഘട്ട വോട്ടെടുപ്പ് 11നു നടക്കുന്ന തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെ പ്രചാരണം 9നാണ് അവസാനിക്കുക. ഡിസംബർ 13 ശനിയാഴ്ചയാണ് വോട്ടെണ്ണല്.
Whatsapp Group 1 | Whatsapp Group 2 |Telegram Group
അതേസമയം പ്രചാരണത്തില് പരമാവധി ആവേശം വോട്ടർമാർക്ക് പകർന്നുനല്കാനുള്ള തീവ്ര ശ്രമത്തിലാണ് മുന്നണികള്. കലാശക്കൊട്ട് കെങ്കേമമാക്കാനുള്ള തയ്യാറെടുപ്പിലാണ് രാഷ്ട്രീയ പാര്ട്ടികള്. കലാശക്കൊട്ടില് സംഘര്ഷം ഉണ്ടാകാതിരിക്കാന് പൊലീസ് അതീവ ജാഗ്രത പുലര്ത്തുന്നുണ്ട്. വോട്ടെടുപ്പ് നടക്കുന്ന ഇടങ്ങളില് 48 മണിക്കൂര് മദ്യനിരോധനം ഏര്പ്പെടുത്തിയിട്ടുണ്ട്.
