കോട്ടയം: മുട്ട ഇഷ്ടപ്പെടാത്തവരായി ആരും തന്നെ ഉണ്ടാകില്ല. പ്രതേകിച്ചു ജിമ്മില് പോകുന്നവർക്ക്. പോഷകങ്ങളുടെ ഒരു കലവറ ആണല്ലോ മുട്ട.
പ്രോട്ടീൻ്റെ മികച്ച ഉറവിടമായ മുട്ടയില് വിറ്റാമിൻ എ, ബി5, ബി12, ഡി, ഇ, കെ, ഫോളേറ്റ്, സെലിനിയം, ഫോസ്ഫറസ്, കോളിൻ തുടങ്ങിയ നിരവധി പോഷകങ്ങള് അടങ്ങിയിരിക്കുന്നു. ഇത് തലച്ചോറിൻ്റെ പ്രവർത്തനത്തിനും (കോളിൻ), കണ്ണിൻ്റെ ആരോഗ്യത്തിനും (ല്യൂട്ടിൻ, സീസാന്തിൻ), എല്ലുകളുടെ ബലത്തിനും (വിറ്റാമിൻ ഡി) പ്രതിരോധശേഷി വർദ്ധിപ്പിക്കുന്നതിനും ഉത്തമമാണ്. കൂടാതെ, മുട്ടയിലടങ്ങിയ ഉയർന്ന ഗുണമേന്മയുള്ള പ്രോട്ടീൻ പേശികളുടെ ആരോഗ്യത്തിനും വയറു നിറഞ്ഞ തോന്നല് നല്കി ശരീരഭാരം നിയന്ത്രിക്കുന്നതിനും സഹായിക്കുന്നു.
എന്നാല്, മുട്ടയുടെ മഞ്ഞയില് (Yolk) അടങ്ങിയിട്ടുള്ള കൊളസ്ട്രോളിനെക്കുറിച്ചുള്ള ആശങ്കകള് കാരണമാണ് പലരും ഇതിനെ ഒഴിവാക്കുന്നത്. സാധാരണഗതിയില്, ആരോഗ്യമുള്ള മിക്ക ആളുകളിലും, ഭക്ഷണത്തിലൂടെ ലഭിക്കുന്ന കൊളസ്ട്രോള് രക്തത്തിലെ കൊളസ്ട്രോളിൻ്റെ അളവിനെ കാര്യമായി ബാധിക്കാറില്ല. ദിവസവും ഒരു മുട്ട വരെ കഴിക്കുന്നത് സുരക്ഷിതമാണെന്ന് പഠനങ്ങള് സൂചിപ്പിക്കുന്നു. മുട്ടയില് കാണപ്പെടുന്ന HDL (നല്ല കൊളസ്ട്രോള്) ഹൃദയാരോഗ്യത്തിന് ഗുണകരവുമാണ്.
Whatsapp Group 1 | Whatsapp Group 2 |Telegram Group
എങ്കിലും, അമിതമായാല് മുട്ട ദോഷകരമായേക്കാം. ഹൃദ്രോഗം, ഉയർന്ന കൊളസ്ട്രോള്, പ്രമേഹം തുടങ്ങിയ ആരോഗ്യപ്രശ്നങ്ങളുള്ളവർ മുട്ടയുടെ ഉപയോഗം പരിമിതപ്പെടുത്തുന്നതിനോ, മുട്ടയുടെ വെള്ള മാത്രം കഴിക്കുന്നതിനോ ശ്രദ്ധിക്കണം. ഇത്തരക്കാർക്ക് ദിവസേന ഒന്നിലധികം മുട്ടകള് കഴിക്കുന്നത് ഹൃദയസംബന്ധമായ രോഗങ്ങളുടെ സാധ്യത വർദ്ധിപ്പിച്ചേക്കാം. കൂടാതെ, മുട്ട അമിതമായി കഴിക്കുന്നത് ചിലരില് ദഹനപ്രശ്നങ്ങളും അലർജിയും ഉണ്ടാക്കാനുള്ള സാധ്യതയുണ്ട്.
അതുകൊണ്ട്, മുട്ട കഴിക്കുമ്ബോള് പ്രധാനമായും ശ്രദ്ധിക്കേണ്ടത് മിതത്വവും പാചകരീതിയുമാണ്. അധികം എണ്ണയോ നെയ്യോ ഉപയോഗിച്ച് വറുത്തെടുക്കാതെ, പുഴുങ്ങുകയോ ആവികയറ്റുകയോ ചെയ്യുന്നത് ആരോഗ്യകരമാണ്. ആരോഗ്യപ്രശ്നങ്ങളില്ലാത്തവർക്ക് ദിവസവും ഒന്നോ രണ്ടോ മുട്ട വരെ കഴിക്കുന്നത് സുരക്ഷിതവും പോഷകസമൃദ്ധവുമാണ്.
