വയനാട്: മുണ്ടക്കൈ-ചൂരല്മല പുനരധിവാസത്തിനായി കോണ്ഗ്രസ് വാങ്ങിയ കുന്നംപറ്റയിലെ ഭൂമിയില് കുടില്കെട്ടി സമരം നടത്താന് ഡിവൈഎഫ്ഐ.
കോണ്ഗ്രസ് പ്രഖ്യാപിച്ച വീടുകളുടെ നിര്മാണം തുടങ്ങാത്തതില് പ്രതിഷേധിച്ചാണ് സമരം. ദുരന്തബാധിതരെ കോണ്ഗ്രസ് വഞ്ചിച്ചെന്ന് ഡിവൈഎഫ്ഐ.
കോണ്ഗ്രസ് ജനങ്ങളെ വഞ്ചിക്കുകയാണെന്ന് ഡിവൈഎഫ്ഐ സംസ്ഥാന പ്രസിഡന്റ് വി. വസീഫ് പറഞ്ഞു. നമുക്ക് കോണ്ഗ്രസിനെ അറിയാം. ഇവര് എല്ലാ കാലത്തും ണങ്ങനെ തന്നെയാണ്. ഉഡായിപ്പാണ്. പണം പിരിച്ച് മുക്കുക എന്നത് ഇവരുടെ ഹോബിയാണ്. അങ്ങനെയുള്ളവര് ദുരന്തത്തെ പോലും ഒരു സുവര്ണാവസരമായി കണ്ട് പണം പരിച്ച് മുക്കി എന്നത് ജനത്തിന് മുന്നില് അവതരിപ്പിക്ക എന്നതാണ് ഞങ്ങളുടെ ഉത്തരവാദിത്തം – വസീഫ് പറഞ്ഞു.
Whatsapp Group 1 | Whatsapp Group 2 |Telegram Group
തങ്ങള് അധ്വാനിച്ചാണ് പണം പിരിച്ചതെന്നും അദ്ദേഹം പറഞ്ഞു. 20 കോടി രൂപ ഈ ടൗണ്ഷിപ്പ് പദ്ധതിയിലേക്ക് കൈമാറിയവരാണ് ഞങ്ങള്. ആ ഞങ്ങളാണ് കോണ്ഗ്രസിനെ വിമര്ശിക്കുന്നത്. ഞങ്ങള്ക്ക് അതിനുള്ള അവകാശമുണ്ട് – അദ്ദേഹം വ്യക്തമാക്കി.
സര്ക്കാര് നിര്മിച്ച വീടുകളുമായി ബന്ധപ്പെട്ട വിവാദത്തിലും അദ്ദേഹം പ്രതികരിച്ചു. സര്ക്കാര് അവിടെ വീടി നിര്മിച്ചു, കൈമാറി. അവിടെ റോഡുകളടക്കമുള്ള സൗകര്യങ്ങള് പൂര്ത്തീകരിക്കാനുണ്ട്. അന്നുമുതല് ഇന്ന് വരെ പണി നടന്നുകൊണ്ടിരിക്കുകയാണ്. വീടുകള് അവകാശികള്ക്ക് കൈമാറുക എന്നത് തിരഞ്ഞെടുക്കപ്പെട്ട സര്ക്കാരിന്റെ ഉത്തരവാദിത്തമല്ലേ. അതാണ് ചെയ്തത് – വസീഫ് പറഞ്ഞു.
