മദ്യലഹരിയില്‍ ബസ് ഓടിച്ച ഡ്രൈവര്‍മാര്‍ പിടിയില്‍; ബസുകള്‍ കസ്റ്റഡിയിലെടുത്ത് പൊലീസ്; ഡ്രൈവര്‍മാരുടെ ലൈസൻസ് റദ്ദ് ചെയ്യും

സ്വന്തം ലേഖിക

തൃശൂര്‍: കുന്നംകുളത്ത് മദ്യലഹരിയില്‍ ബസ് ഓടിച്ച ഡ്രൈവര്‍മാര്‍ പിടിയില്‍.

അണ്ടത്തോട് സ്വദേശി അൻവര്‍, ഇയാല്‍ സ്വദേശി രബിലേഷ് എന്നിവരാണ് പിടിയിലായത്.

കുന്നംകുളം പുതിയ ബസ് സ്റ്റാൻഡില്‍ നടത്തിയ പരിശോധനയിലാണ് മദ്യലഹരിയില്‍ വാഹനമോടിച്ച ഡ്രൈവര്‍മാരെ പൊലീസ് പിടികൂടിയത്.

ബസ്സുകള്‍ പൊലീസ് കസ്റ്റഡിയിലെടുത്തു. ഡ്രൈവര്‍മാരുടെ ലൈസൻസ് റദ്ദ് ചെയ്യുന്നതിന് റിപ്പോര്‍ട്ട് നല്‍കുമെന്ന് പൊലീസ് അറിയിച്ചു.