മീൻ പിടിക്കാൻ പോയ ആളെ വെള്ളക്കെട്ടില്‍ മരിച്ച നിലയില്‍ കണ്ടെത്തി; കാല്‍ വഴുതി വീണതാകാമെന്ന് നിഗമനം

ആലപ്പുഴ: ആലപ്പുഴയില്‍ മീൻ പിടിക്കാൻ പോയ ആളെ വെള്ളക്കെട്ടില്‍ മരിച്ച നിലയില്‍ കണ്ടെത്തി.

പറവൂർ സ്വദേശി കെജെ ജെയിംസ് (65) ആണ് മരിച്ചത്.

പറവൂർ കിഴക്ക് ഇളയിടതുരുത്ത് പഠശേഖരത്തില്‍ ആണ് മരിച്ച നിലയില്‍ കണ്ടത്. കാല്‍ വഴുതി വീണതാകാമെന്ന് പ്രാഥമിക നിഗമനം.

ആലപ്പുഴയില്‍ കനത്തമഴ തുടരുകയാണ്. കിഴക്കൻ വെള്ളത്തിന്‍റെ വരവ് ശക്തമായതോടെ കുട്ടനാട്ടില്‍ താഴ്ന്ന പ്രദേശങ്ങളിലെല്ലാം വെള്ളം നിറഞ്ഞു. പമ്പ, മണിമല, അച്ചൻകോവില്‍ ആറുകളുടെ കൈവഴികളായ ജലാശയങ്ങളില്‍ ജലനിരപ്പ് അപകടനില കവിഞ്ഞു.