കേരള വാട്ടർ അതോറിറ്റി ബിപിഎൽ വിഭാഗത്തിൽപ്പെടുന്നു ഉപഭോക്താക്കൾക്ക് നൽകുന്ന സൗജന്യ കുടിവെള്ള ആനുകൂല്യം ലഭിക്കുന്നതിനായി ജനുവരി ഒന്നു മുതൽ 31 വരെ അപേക്ഷകൾ സമർപ്പിക്കാം.
2026-ല് ബിപിഎല് ആനുകൂല്യം ലഭിക്കുന്നതിനായി, നിലവില് ആനുകൂല്യം ലഭിച്ചുകൊണ്ടിരിക്കുന്നവരും പുതുതായി ആനുകൂല്യം ആവശ്യമുള്ളവരും അപേക്ഷ നല്കണം. പ്രതിമാസം അഞ്ച് കിലോലിറ്റർ വരെ മാത്രം ജല ഉപഭോഗം ഉള്ള ബിപിഎൽ വിഭാഗത്തിൽ പെടുന്നവർക്കാണ് ആനുകൂല്യം.
2026 ജനുവരി 31-ന് മുൻപ് https://bplapp.kwa.kerala.gov.in എന്ന ഓണ്ലൈന് പോര്ട്ടല് വഴി അപേക്ഷകള് നല്കാം. വാട്ടർ ചാർജ് കുടിശ്ശികയുള്ളവരും പ്രവർത്തനരഹിതമായ മീറ്റർ ഉള്ളവരും ജനുവരി 31-നു മുൻപ് കുടിശ്ശിക അടച്ചുതീർക്കുകയും കേടായ മീറ്റർ മാറ്റി സ്ഥാപിക്കുകയും ചെയ്താല് മാത്രമേ അപേക്ഷ പരിഗണിക്കുകയുള്ളൂ. വാടകവീടുകളില് താമസിക്കുന്നവർക്കും ഈ വർഷം മുതല് ബിപിഎല് ആനുകൂല്യം അനുവദിക്കും.
Whatsapp Group 1 | Whatsapp Group 2 |Telegram Group
ഈ വിഭാഗത്തില്പ്പെട്ട ഉപഭോക്താക്കള് അപേക്ഷയോടൊപ്പം വാടകക്കരാറിന്റെ പകര്പ്പും വീടുടമസ്ഥന്റെ സമ്മതപത്രവും ഓണ്ലൈന് പോര്ട്ടലില് അപ്ലോഡ് ചെയ്യേണ്ടതാണ്. ഇ-അബാക്കസ് വിവരങ്ങള് സിവില് സപ്ലൈസ് വെബ്സൈറ്റിലെ റേഷന് കാര്ഡ് വിവരങ്ങളുമായി താരതമ്യം ചെയ്ത ശേഷം അര്ഹതയുള്ളവര്ക്ക് ആനുകൂല്യം അനുവദിക്കും.
