കൊല്ലം: മൈനാഗപ്പള്ളിയില് സ്കൂട്ടര് യാത്രക്കാരിയെ കാര് കയറ്റിക്കൊന്ന കേസിലെ രണ്ടാംപ്രതി ഡോക്ടര് ശ്രീക്കുട്ടിയുടെ ജാമ്യാപേക്ഷ കോടതി തള്ളി.
തങ്ങളുടെ ഭാഗം കൂടി കേള്ക്കണമെന്ന് കൊല്ലപ്പെട്ട കുഞ്ഞുമോളുടെ അഭിഭാഷകന് കോടതിയോട് പറഞ്ഞു. ശാസ്താംകോട്ട ജുഡീഷ്യല് ഒന്നാംക്ലാസ് മജിസ്ട്രേറ്റാണ് ശ്രീക്കുട്ടിയുടെ ജാമ്യാപേക്ഷ തള്ളിയത്.
അജ്മല് ഓടിച്ച കാറിന് ഇന്ഷുറന്സ് ഉണ്ടായിരുന്നില്ലെന്ന നിര്ണായക വിവരം ഇന്ന് പുറത്തുവന്നിരുന്നു. ഇക്കഴിഞ്ഞ പതിനഞ്ചാം തീയതിയാണ് മൈനാഗപ്പള്ളിയില് അപകടമുണ്ടായത്. സ്കൂട്ടര് യാത്രികയായ കുഞ്ഞുമോളെ കാര് ഇടിച്ചിടുകയായിരുന്നു.
Whatsapp Group 1 | Whatsapp Group 2 |Telegram Group
കേസിലെ പ്രതി അജ്മലിന്റെ സുഹൃത്തിന്റെ മാതാവിന്റെ പേരിലുള്ള കാറാണ് അപകടം വരുത്തിയത്. കാറിന്റെ ഇന്ഷുറന്സ് കഴിഞ്ഞ ഡിസംബറില് അവസാനിച്ചിരുന്നു. അപകടം നടന്ന് തൊട്ടടുത്ത ദിവസം യുണൈറ്റഡ് ഇന്ത്യ ഇന്ഷുറന്സ് കമ്പനിയില് നിന്ന് തുടര്പോളിസി ഓണ്ലൈന് വഴി പുതുക്കി. പതിനാറ് മുതല് ഒരു വര്ഷത്തേയ്ക്കാണ് ഇന്ഷുറന്സ് പുതുക്കിയത്.
