ചാലക്കുടി: കാനഡയില് കൊല്ലപ്പെട്ട ചാലക്കുടി സ്വദേശിനി ഡോണയുടെ സംസ്കാരം ഇന്ന് നടക്കും.
ഡോണയെ കൊലപ്പെടുത്തിയ ഭർത്താവ് ലാല് കെ.പൗലോസിനായി ലുക്ക് ഔട്ട് നോട്ടീസ് പുറപ്പെടുവിക്കണമെന്ന് ഡോണയുടെ കുടുംബം ആവശ്യപ്പെട്ടു.
അന്വേഷണത്തിന് കേന്ദ്ര ഏജന്സികളുടെ സഹായം തേടാനും ഡോണയുടെ കുടുംബം നീക്കം തുടങ്ങി.
ഒന്നരക്കോടി രൂപയും ഡോണയുടെ ഫോണും കൊണ്ടാണ് ലാല് കടന്നു കളഞ്ഞതെന്നും ഇയാള് ഡൽഹിയില് വിമാനമിറങ്ങിയെന്നും വിവരമുണ്ട്. പതിനെട്ട് ദിവസത്തിന് ശേഷം അവിടത്തെ നിയമനടപടികള് പൂര്ത്തിയാക്കിയാണ് കാനഡയില് കൊല്ലപ്പെട്ട ഡോണയുടെ മൃതദേഹം ജന്മനാട്ടില് എത്തിച്ചത്.
Whatsapp Group 1 | Whatsapp Group 2 |Telegram Group
എന്നാല് കാനഡയില് നടന്ന കൊലപാതകത്തില് പ്രതിയെന്ന് സംശയിക്കുന്ന ഭര്ത്താവ് ലാല് കെ പൗലോസിനെ ഇനിയും കാനഡയിലെ പൊലീസ് സംഘത്തിന് കണ്ടെത്തായിട്ടില്ല. മെയ് ഏഴിന് ഡോണയുടെ ഭര്ത്താവ് ലാല് കെ. പൗലോസ് ഡോണയുടെ സഹോദരന് ഡോണയും താനും ആത്മഹത്യ ചെയ്യുകയാണെന്ന് ഇമെയില് അയച്ചിരുന്നു.
കാനഡ പൊലീസുമായി വീട്ടിലെത്തി പരിശോധന നടത്തുമ്പോഴാണ് ഡോണയുടെ മൃതശരീരം കണ്ടെത്തുന്നത്. ഒരുദിവസത്തിലേറെ പഴക്കമുണ്ടായിരുന്നു മൃതശരീരത്തിന്. ചൂതാട്ടത്തില് ഉള്പ്പെട്ട് കടക്കാരനായ ലാല് കെ പൗലോസ്, ഡോണയുമായി വഴക്കിട്ടിരുന്നു.
വീണ്ടും ചൂതാട്ടത്തില് പണമിറക്കുന്നത് ഡോണ തടഞ്ഞത് കൊലപാതകത്തില് കലാശിച്ചെന്നാണ് സംശയിക്കുന്നത്.
പ്രാഥമിക പരിശോധനകള്ക്ക് ശേഷം ഡോണയുടേത് കൊലപാതകമെന്ന് കാനഡ പൊലീസ് ബന്ധുക്കളെ അറിയിച്ചിട്ടുണ്ട്.
