പേവിഷബാധ; വാക്സിനെടുത്തിട്ടും ഫലമില്ല; തെരുവുനായയുടെ കടിയേറ്റ് ചികിത്സയിലിരുന്ന അഞ്ച് വയസ്സുകാരൻ മരിച്ചു

ണ്ണൂർ: കണ്ണൂരില്‍ പേവിഷബാധ ലക്ഷണങ്ങളോടെ ചികിത്സയിലായിരുന്ന അഞ്ച് വയസ്സുകാരൻ മരിച്ചു.

തമിഴ്നാട് സേലം സ്വദേശികളുടെ മകനായ ഹരിത്താണ് മരിച്ചത്.

നായയുടെ കടിയേറ്റ് കഴിഞ്ഞ 12 ദിവസമായി പരിയാരം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്നു. കുട്ടിക്ക് വാക്സീൻ എടുത്തിരുന്നു.

മെയ് 31ന് പയ്യാമ്പലത്തെ വാടക കോട്ടേഴ്സിന് സമീപത്ത് വച്ചാണ് കുട്ടിക്ക് തെരുവുനായയുടെ കടിയേറ്റത്. മുഖത്ത് കടിയേറ്റ കുഞ്ഞിനെ പിന്നീട് ആശുപത്രിയിലെത്തിച്ച്‌ വാക്സീൻ നല്‍കിയിരുന്നു. എന്നാല്‍ ജീവൻ രക്ഷിക്കാനായില്ല.