ജില്ലാ ആശുപത്രിയിലെ അമ്മത്തൊട്ടിലിൽ പെൺകുട്ടി: 2 മാസം പ്രായമുണ്ട് : കുട്ടി സുഖമായിരിക്കുന്നു:

സ്വന്തം ലേഖകൻ

കോട്ടയം : ജില്ലാ ജനറൽ ആശുപത്രിയുടെ അമ്മത്തൊട്ടിലിൽ  പെൺകുഞ്ഞിനെ ലഭിച്ചു. ശനിയാഴ്ച പുലർച്ചെയാണ് ആശുപത്രിയിലെ അമ്മത്തൊട്ടിൽ നിന്നും കുഞ്ഞിനെ ലഭിച്ചത്. 2 മാസം പ്രായമുള്ള കുട്ടിയാണ്.

കുഞ്ഞിനെ ഉപേക്ഷിച്ച ശേഷംഒരു സ്ത്രീ മടങ്ങി പോകുന്നത് കണ്ടവരുണ്ട്.  ആശുപത്രി ജീവനക്കാർ കുഞ്ഞിനെ എടുത്ത് കുട്ടികളുടെ ഐസിയുവിൽ പ്രവേശിപ്പിച്ചു. കുട്ടിയുടെ ആരോഗ്യ നില തൃപ്തികരമാണ്.

ജില്ലാ കളക്ടർക്ക് റിപ്പോർട്ട് നല്കും. തുടർനടപടികൾക്കു ശേഷം കുട്ടികളെ സംരക്ഷിക്കുന്ന സ്ഥാപനത്തിലേക്ക് മാറ്റും. ഇപ്പോൾ ആശുപത്രി ജീവനക്കാരുടെ പരിചരണത്തിലാണ് കുട്ടി.