സംവിധായിക ആയിഷ സുല്ത്താന വിവാഹിതയായി. ഡല്ഹി ഗുരുഗ്രാമില് ആർ.കെ.സൈനിയുടെയും ശിഖ സൈനിയുടെയും മകൻ ഹർഷിത്ത് സൈനിയാണ് വരൻ.ഡല്ഹി ഡെപ്യൂട്ടി കളക്ടറാണ് ഹർഷിത്ത്. ജൂണ് 20ന് ഡല്ഹിയിലായിരുന്നു വിവാഹം രജിസ്റ്റർ ചെയ്തത്.
ഏറെക്കാലമായി പ്രണയത്തിലായിരുന്നു ഇരുവരും. വീട്ടുകാരുടെ സമ്മതത്തോടെയുള്ള പ്രണയവിവാഹമായിരുന്നു. ലക്ഷദ്വീപില് അന്ത്രോത്ത്, അഗത്തി, കല്പേനി എന്നിവിടങ്ങളില് ഡെപ്യൂട്ടി കളക്ടറായിരുന്ന ഹർഷിത്തിനെ രണ്ടുവർഷം മുമ്ബാണ് ആയിഷ പരിചയപ്പെട്ടത്. വെറ്ററിനറി വകുപ്പില് ഉദ്യോഗസ്ഥനായിരുന്ന കുഞ്ഞിക്കോയയുടെയും ഹൗവ്വയുടെയും മകളാണ് ആയിഷ. ആയിഷയുടെ ഉമ്മ ഉംറയ്ക്ക് പോയി വന്ന ശേഷം ഡിസംബറില് ലക്ഷദ്വീപിലോ കൊച്ചിയിലോ വച്ച് വിവാഹസത്കാരം നടത്തും. ചാനല്ചർച്ചയില് ജൈവായുധ പരാമർശം നടത്തിയതിന് ആയിഷയ്ക്കെതിരെ രാജ്യദ്റോഹക്കുറ്റം ചുമത്തുകയും വിവാദമാകുകയും ചെയ്തിരുന്നു. പിന്നീട് കുറ്റവിമുക്തയായി.
