കൊച്ചി: നടിയെ ആക്രമിച്ച കേസില് നടൻ ദിലീപ് കുറ്റവിമുക്തനെന്നു വിധി വന്നതിന് പിന്നാലെ കോടതി പരിസരത്ത് മധുര വിതരണവുമായി ദിലീപ് ഫാൻസ് അസോസിയേഷൻ.
ഗൂഢാലോചന തെളിഞ്ഞില്ലെന്ന് ചൂണ്ടിക്കാട്ടിയാണ് ദിലീപിനെ വെറുതെ വിട്ടത്. കോടതി പരിസരത്തും ദിലീപിന്റെ ആലുവയിലെ വസതിയിലുമാണ് ലഡ്ഡു വിതരണം നടത്തുന്നത്. 100 കിലോ കേക്കും ലഡ്ഡുവുമാണ് വിതരണം ചെയ്തത്.
ദിലീപിന്റെയും കാവ്യാ മാധവന്റെയും ചിത്രങ്ങള് ചാലിച്ച കേക്കാണ് ആലുവയിലെ വസതിയില് ആരാധകർ പങ്കുവച്ചത്. കോടതി വിധി വരുന്നതിന് മിനിറ്റുകളക്ക് മുന്നേ തന്നെ വീട്ടു പരിസരത്തും കോടതിയിലും ലഡ്ഡു വിതരണം ആരംഭിച്ചിരുന്നു.
Whatsapp Group 1 | Whatsapp Group 2 |Telegram Group
കേസില് ഒന്നു മുതല് ആറ് വരെയുള്ള പ്രതികള് കുറ്റക്കാരെന്ന് കോടതി. എറണാകുളം പ്രിൻസിപ്പല് സെഷൻസ് കോടതിയാണ് വിധി പറഞ്ഞത്. കുറ്റത്തില് നേരിട്ട് പങ്കെടുത്തവരാണ് പ്രതികള്. കേസിലെ എട്ടാം പ്രതിയായിരുന്നു ദിലീപ്. കൂട്ടബലാല്സഗം ഉള്പ്പെടെയുള്ള കുറ്റം തെളിഞ്ഞെന്ന് കോടതിയില് പറയുന്നു.
ഗൂഢാലോചന കൂട്ട ബലാത്സംഗം എല്ലാം നിലനില്ക്കുമെന്നും കോടതി വിധിയില്. കേരളത്തെ നടുക്കിയ കേസില് ഏഴര വർഷത്തെ വിചാരണയ്ക്ക് ശേഷംവിധി പറയുന്നത്. 2017 ഫെബ്രുവരി 17നാണ് അങ്കമാലി അത്താണിക്ക് സമീപം ഓടിക്കൊണ്ടിരുന്ന കാറില് നടി ആക്രമിക്കപ്പെട്ടത്.
