ആശ്രയയിൽ ഡയാലിസിസ് കിറ്റും ചികിത്സാ ധനസഹായവും വിതരണം ചെയ്തു:

സ്വന്തം ലേഖകൻ

ഗാന്ധിനഗർ: ആശ്രയ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ എല്ലാ മാസവും നടത്തിവരുന്ന ഡയാലിസിസ് കിറ്റും ധനസഹായവും വിതരണം ചെയ്തു.കോട്ടയം വെസ്റ്റ് വൈസ് മെൻ ക്ലബും ആശ്രയയും ചേർന്ന് 153 വൃക്കരോഗികൾക്ക് ഡയാലിസിസ് കിറ്റും സഹായവും നൽകി

ആശ്രയയുടെ മാനേജർ സിസ്റ്റർ ശ്ലോമോ അദ്ധ്യക്ഷത വഹിച്ച യോഗത്തിൽ മെഡിക്കൽ കോളജ് ജനറൽ മെഡിസിൻ വിഭാഗം മേധാവി പ്രൊ. ഡോ. ടി.ആർ.രാധ കിറ്റ് വിതരണ ഉദ്ഘാടനം നിർവഹിച്ചു.

കോട്ടയം വെസ്റ്റ് വൈസ് മെൻ ക്ലബ് പ്രസിഡന്റ് ഡോ. വർഗീസ് മാത്യു , ട്രഷറർ ജോൺ പി.കുര്യൻ, കോട്ടയം വെസ്റ്റ് മെന്നേഴ്സ് ക്ലബ് പ്രസിഡന്റ് ഡോ.എൽശേബ മാത്യു , ജോസഫ് കുര്യൻ, എം .സി. ചെറിയാൻ എന്നിവർ ആശംസകൾ അർപ്പിച്ചു.