ദിവസവും പഴങ്ങൾ കഴിക്കുന്നതിന്റെ എണ്ണമറ്റ ആരോഗ്യ ഗുണങ്ങളെക്കുറിച്ച് കാലങ്ങളായി എല്ലാവർക്കും അറിവുണ്ട്. എന്നിരുന്നാലും, പ്രമേഹ രോഗികൾ അവരുടെ കാർബോഹൈഡ്രേറ്റിന്റെയും പഞ്ചസാരയുടെയും അളവ് സംബന്ധിച്ച് അറിഞ്ഞിരിക്കണം.
കാരണം ഇത് ഇൻസുലിൻ അളവിലെ ഏറ്റക്കുറച്ചിലുകള്‍ക്കും രക്തത്തിലെ പഞ്ചസാരയുടെ വർധനവിനും കാരണമാകും.
പഴങ്ങള്‍ സാധാരണയായി ആരോഗ്യകരമായ ഒരു ഭക്ഷണമാണെങ്കിലും ചിലതില്‍ ഗണ്യമായ അളവില്‍ പഞ്ചസാരയും ഫ്രക്ടോസും അടങ്ങിയിട്ടുണ്ട്. ഇത് ഇൻസുലിന്റെ അളവിനെ ഉയർത്തുന്നു. പ്രമേഹരോഗികള്‍ കഴിക്കാൻ പാടില്ലാത്ത അഞ്ച് പഴങ്ങൾ ഏതെല്ലാമാണെന്ന് നോക്കാം.
Whatsapp Group 1 | Whatsapp Group 2 |Telegram Group
1. വാഴപ്പഴം
വാഴപ്പഴം പഴുക്കുമ്ബോള്‍ അതിലെ അന്നജം പഞ്ചസാരയായി മാറാൻ തുടങ്ങും. ഒരു ഇടത്തരം വലിപ്പമുള്ള പഴുത്ത വാഴപ്പഴത്തിന്റെ ഗ്ലൈസെമിക് സൂചിക 60 ല്‍ കൂടുതലാണ്. ഇത് അവയെ കൂടുതല്‍ മധുരമുള്ളതാക്കുകയും കഴിക്കുമ്ബോള്‍ രക്തത്തിലെ പഞ്ചസാരയുടെ അളവ് വർദ്ധിപ്പിക്കാനുള്ള സാധ്യത വർദ്ധിപ്പിക്കുകയും ചെയ്യുന്നു.
2. മാമ്പഴം
മാമ്പഴത്തിൽ പ്രകൃതിദത്ത പഞ്ചസാര അടങ്ങിയിട്ടുണ്ട്. ഗ്ലൂക്കോസും ഫ്രക്ടോസും. ഒരു ഇടത്തരം മാമ്ബഴത്തില്‍ ഏകദേശം 40 മുതല്‍ 45 ഗ്രാം വരെ പഞ്ചസാര അടങ്ങിയിട്ടുണ്ട്. ഈ പഴത്തിന് 51 മുതല്‍ 60 വരെ മിതമായതോ ഉയർന്നതോ ആയ ഗ്ലൈസെമിക് സൂചികയും ഉണ്ട്. ഇതിനർത്ഥം മാമ്ബഴത്തിന് രക്തത്തിലെ പഞ്ചസാരയുടെ അളവ് വേഗത്തില്‍ വർദ്ധിപ്പിക്കാൻ കഴിയും എന്നാണ്. കൂടാതെ, മാമ്ബഴത്തിന് ആവശ്യത്തിന് നാരുകള്‍ ഇല്ലാത്തതിനാല്‍ ശരീരത്തിന് രക്തത്തിലെ ഗ്ലൂക്കോസിന്റെ അളവ് സന്തുലിതമാക്കാൻ പ്രയാസമാകും.
3. ചിക്കൂസ്
ചിക്കൂസില്‍ പഞ്ചസാര വളരെ കൂടുതലാണ് (100 ഗ്രാം ചിക്കൂവില്‍ ഏകദേശം 20 ഗ്രാം പഞ്ചസാര അടങ്ങിയിട്ടുണ്ട്), ഗ്ലൈസെമിക് സൂചിക 65 മുതല്‍ 70 വരെയാണ്. അത് കൊണ്ട് തന്നെ ഗ്ലൂക്കോസിന്റെ അളവ് വേഗത്തില്‍ വർദ്ധിപ്പിക്കും.
4. പൈനാപ്പിൾ
പൈനാപ്പിളില്‍ ഉയർന്ന പഞ്ചസാരയുടെ അളവും ഗ്ലൈസെമിക് സൂചികയും (GI) 66 നും 94 നും ഇടയില്‍ വ്യത്യാസപ്പെടാം. അതായത്, ഭക്ഷണത്തിനു ശേഷം പൈനാപ്പിള്‍ ശരീരത്തില്‍ പഞ്ചസാരയുടെ അളവ് വേഗത്തില്‍ വർദ്ധിക്കാൻ കാരണമാകും.
5. മുന്തിരി
100 ഗ്രാം മുന്തിരിയില്‍ 16 മുതല്‍ 18 ഗ്രാം വരെ പഞ്ചസാരയും 50 മുതല്‍ 59 വരെ ജിഐയും ഉണ്ട്. ഇതിനർത്ഥം ഒരു ചെറിയ അളവില്‍ മുന്തിരിപ്പഴം പോലും ഗ്ലൂക്കോസിന്റെ അളവ് വേഗത്തില്‍ വർദ്ധിപ്പിക്കുമെന്നാണ്. കൂടാതെ, മുന്തിരിയുടെ തൊലി നേർത്തതും നാരുകളുടെ അളവ് വളരെ കുറവുമാണ്.
