ധീരജ് വധം; കുത്തിയത് താനാണെന്ന് പ്രതി നിഖില്‍ സമ്മതിച്ചു; ആറ് പേർ കൂടി കസ്റ്റഡിയില്‍

സ്വന്തം ലേഖകൻ
തൊടുപുഴ: ഇടുക്കിയില്‍ എന്‍ജിനീയറിങ് വിദ്യാര്‍ഥിയും എസ് എഫ് ഐ പ്രവര്‍ത്തകനുമായ ധീരജ് രാജേന്ദ്രനെ കൊലപ്പെടുത്തിയ കേസിലെ പ്രതി നിഖില്‍ പൈലി കുറ്റം സമ്മതിച്ചു. കുത്തിയത് താനാണെന്ന് ചോദ്യം ചെയ്യലില്‍ പൈലി സമ്മതിക്കുകയായിരുന്നു.

സംഭവത്തില്‍ ആറ് പേരെക്കൂടി പൊലീസ് കസ്റ്റഡിയില്‍ എടുത്തു. ആറ് പേരും കെ.എസ്.യു. പ്രവര്‍ത്തകരാണ്. ഇവരെ പൊലീസ് ചോദ്യം ചെയ്ത് വരികയാണ്.

ധീരജിനെ കുത്താൻ ഉപയോഗിച്ച കത്തി കണ്ടെത്തിയിട്ടില്ല. കരിമണൽ പൊലീസ് സ്റ്റേഷനിലെത്തിച്ച പ്രതിയെ രാത്രിയോടെ ഇടുക്കിയിലേക്ക് കൊണ്ടുപോയി.

യൂത്ത് കോണ്‍ഗ്രസ് വാഴത്തോപ്പ് മണ്ഡലം പ്രസിഡന്റാണ് നിഖില്‍ പൈലി.

അതിനിടെ, കേസില്‍ ആറ് പേരെ കൂടി പോലീസ് കസ്റ്റഡിയിലെടുത്തു. പിടിയിലായ നാലുപേരും എന്‍ജിനീയറിങ് വിദ്യാര്‍ഥികളാണ്.