തിരുവനന്തപുരം: ഡിജിപിയും വിജിലൻസ് ആൻഡ് ആന്റി കറപ്ഷൻ ബ്യൂറോ മേധാവിയുമായ ഡോ. ടി കെ വിനോദ് കുമാർ ഞായറാഴ്ച സർവീസില്‍ നിന്ന് സ്വമേധയാ വിരമിക്കും.
1992 ബാച്ചിലെ ഐപിഎസ് ഓഫീസറായ വിനോദ് കുമാർ ധൻബാദിലെ ഇന്ത്യൻ സ്കൂള്‍ ഓഫ് മൈൻസില്‍നിന്ന് എൻജിനിയറിങ് ബിരുദം നേടിയശേഷം ഒഎൻജിസിയില്‍ ജോലി ചെയ്യവെയാണ് സിവില്‍ സർവീസില്‍ പ്രവേശിച്ചത്.
കൊല്ലം, കട്ടപ്പന, തിരുവനന്തപുരം കന്റോണ്‍മെന്റ് എന്നീ സബ് ഡിവിഷനുകളില്‍ എഎസ്പി ആയും തിരുവനന്തപുരം റൂറല്‍, കോട്ടയം, എറണാകുളം റൂറല്‍, പാലക്കാട് ജില്ലകളിലും ക്രൈംബ്രാഞ്ചിലും എസ്പിയായും കോഴിക്കോട് സിറ്റി പോലീസ് കമ്മീഷണറായും പ്രവർത്തിച്ചു.
Whatsapp Group 1 | Whatsapp Group 2 |Telegram Group
കെഎപി നാല്, അഞ്ച് ബറ്റാലിയനുകളിലെ കമാൻഡന്റുമായിരുന്നു. ഇന്റേണല്‍ സെയുഎൻ മിഷന്റെ ഭാഗമായി ബോസ്നിയ, സിയാറ ലിയോണ്‍ എന്നിവിടങ്ങളില്‍ സേവനമനുഷ്ഠിച്ചു. ക്രിമിനല്‍ ജസ്റ്റിസ് വിഷയത്തില്‍ അമേരിക്കയിലെ ഇന്ത്യാന സർവകലാശാലയില്‍നിന്ന് ഡോക്ടറേറ്റ് നേടി.
2011ല്‍ രാഷ്ട്രപതിയുടെ സ്തുത്യർഹ സേവാ മെഡലും 2021ല്‍ രാഷ്ട്രപതിയുടെ അതിവിശിഷ്ട സേവാ മെഡലും ലഭിച്ചു. സംസ്ഥാന പോലീസ് മേധാവി ഷെയ്ഖ് ദർവേഷ് സാഹിബിന്റെ അധ്യക്ഷതയില്‍ പോലീസ് ആ സ്ഥാനത്ത് യാത്രയയപ്പ് നല്‍കി.
