സിനിമ സീരിയലുകളിലൂടെയും സ്റ്റേജ് ഷോകളിലൂടെയും മലയാളികള്‍ക്ക് ഏറെ പ്രിയങ്കരിയായ നടിയാണ് ദേവി ചന്ദന. സോഷ്യൽ മീഡിയയിലൂടെ നടി തന്റെ വിശേഷങ്ങള്‍ ആരാധകരുമായി പങ്കുവയ്ക്കാറുണ്ട്. എന്നാൽ കുറച്ചുകാലമായി താരം സോഷ്യൽ മീഡിയയിൽ അത്ര ആക്ടീവ് ആയിരുന്നില്ല. ചില ആരോഗ്യപ്രശ്നങ്ങളാൽ വലയുകയായിരുന്നു താരം.
തനിക്ക് സുഖമില്ലാതെ കുറച്ച്‌ ദിവസങ്ങള്‍ ആശുപത്രിയില്‍ കഴിയേണ്ടിവന്നെന്നും തന്റെ യൂട്യൂബ് ചാനലിലൂടെ വെളിപ്പെടുത്തിയിരിക്കുകയാണ് നടിയിപ്പോള്‍.
താരത്തിൻ്റെ വാക്കുകൾ:
Whatsapp Group 1 | Whatsapp Group 2 |Telegram Group
‘ഒരു മാസം ആശുപത്രിയിലായിരുന്നു. ചെറിയ ശ്വാസംമുട്ടല്‍ എന്നുംപറഞ്ഞ് വെച്ചോണ്ടിരുന്നു. പക്ഷേ ആശുപത്രിയില്‍ ചെന്നുകഴിഞ്ഞപ്പോഴാണ് അത് ഹെപ്പറ്റൈറ്റിസ് എ ആണെന്ന് മനസിലായത്. ലിവർ എൻസൈമുകളൊക്കെ നന്നായി കൂടി. ഐസിയുവിലായി. അങ്ങനെ ആശുപത്രിയില്‍ കിടന്നു.
കൊവിഡ് വന്നപ്പോള്‍ കരുതി അതായിരിക്കും ഏറ്റവും വലിയ പ്രതിസന്ധിയെന്ന്. ആറ് മാസം കഴിഞ്ഞപ്പോള്‍ എച്ച്‌ വണ്‍ എൻ വണ്‍ വന്നു. അപ്പോള്‍ തോന്നി കൊവിഡ് എത്രയോ ഭേദമായിരുന്നെന്ന്. പക്ഷേ ഇതുണ്ടല്ലോ എന്റെ ജീവിതത്തിലെ ഏറ്റവും വലിയ ഗുണപാഠമായിരുന്നു. വെള്ളത്തില്‍ നിന്നോ ഭക്ഷണത്തില്‍ നിന്നോ എവിടെ നിന്നാണ് കിട്ടിയതെന്ന് എല്ലാവരും ചോദിച്ചു. സത്യം പറഞ്ഞാല്‍ ഞാൻ ഒറ്റയ്ക്ക് എവിടെയും പോയിട്ടില്ല. മൂന്നാറിലൊക്കെ എല്ലാവരും കൂടിയാണ് പോയത്. അതുകഴിഞ്ഞ് മുംബയില്‍ എനിക്കൊരു ഫംഗ്ഷനുണ്ടായിരുന്നു. അപ്പോഴും കൂടെയാളുകളുണ്ടായിരുന്നു. അതുകഴിഞ്ഞ് ഷൂട്ടിംഗിന് പോയി. അതും ഒറ്റയ്ക്കല്ല പോയത്. എന്റെ ഭയങ്കര പ്രതിരോധശേഷി കൊണ്ടാവാം എനിക്ക് മാത്രം അസുഖം വന്നത്.കഴിഞ്ഞ മാസം ഇരുപത്തിയാറിന് അഡ്മിറ്റായതാണ്. അന്നൊക്കെ അട്ടയൊക്കെ ചുരുണ്ട് കിടക്കുന്നതുപോലെയായിരുന്നു. സംസാരമില്ല, എഴുന്നേല്‍ക്കില്ല. ഭക്ഷണം കഴിക്കാൻ എഴുന്നേല്‍ക്കുമ്ബോള്‍ ഛർദിക്കുന്നു. അതുകൊണ്ട് ഭക്ഷണം കാണുമ്ബോള്‍ കഴിച്ചാല്‍ ഛർദിക്കുമോയെന്ന പേടി. ആകെ വല്ലാത്തൊരു അവസ്ഥയായിരുന്നു. കണ്ണും ദേഹവുമൊക്കെ മഞ്ഞക്കളർ. ബിലിറൂബിൻ 18 ആയി. എൻസൈംസൊക്കെ ആറായിരമൊക്കെയായി. ഈ അസുഖത്തിനെക്കുറിച്ച്‌ ധാരണയില്ലായിരുന്നു. ഫോണൊക്കെ കൈയിലെടുത്തിട്ട് മൂന്നാഴ്ചയായി. ഐസിയുവില്‍ ഫോണ്‍ പറ്റില്ല.ഈ വീഡിയോയിലൂടെ ഞാൻ പറയാനുദ്ദേശിച്ചത് വേറൊന്നുമല്ല. പുറത്തേക്ക് യാത്ര ചെയ്യുന്നവർ വെള്ളം, ഭക്ഷണം എന്നിവയൊക്കെ ശ്രദ്ധിക്കണം. ഹെപ്പറ്റൈറ്റിസ് ബി പോസിറ്റീവായി കോമയിലൊക്കെ പോയവരുണ്ട്. തട്ടുകടയില്‍ നിന്ന് ഭക്ഷണം കഴിക്കുന്നത് ഒന്ന് കണ്‍ട്രോള്‍ ചെയ്യുക. അത്രയും ശുദ്ധിയായ വെള്ളം മാത്രം കുടിക്കുക. പറയുമ്ബോള്‍ എളുപ്പമാണ്. രണ്ടാഴ്ച എനിക്ക് കരിക്ക് കുടിച്ചാലും ഛർദിക്കുമായിരുന്നു. എല്ലാവരും കരുതിയിരിക്കുക.”- ദേവി ചന്ദന പറഞ്ഞു.
